आयोगले एक मात्र पदमा उम्मेदवारी दिँदा महिला हुनुपर्ने प्रावधान हटायाे ! – Sarangi News

काठमाडौँ – निर्वाचन आयोगले एक मात्रै पदमा उम्मेद्वारी दिँदा महिला हुनुपर्ने प्रावधान सच्याएको छ।

आयोगले स्थानीय तहको प्रमुख वा उपप्रमुख, गाउँपालिको अध्यक्ष वा उपाध्यक्ष्यमध्ये एक मात्रै पदमा दलले उम्मेदवारी दिनुपर्दा महिला हुनुपर्ने प्रावधान सच्याएको हो।

चैत १६ गते आयोगले दलहरुलाई पत्र पठाउँदै एक मात्रै पदमा उम्मेदवारी दिँदा महिला हुनुपर्ने निर्देशन गरेको थियो। स्थानीय तह निर्वाचन ऐनले दुई मध्ये एक पदमा उम्मेद्वारी दिँदा महिला अनिवार्य हुनुपर्ने व्यवस्था गरेको छ।आयोगले त्यसलाई थप कडाइ गर्दै एक मात्रै उम्मेदवार हुँदा महिला हुनुपर्ने निर्देशन गरे पनि दलहरुको विरोधपछि मंगलबार सच्याएको हो।

विशेष गरी गठबन्धन गरेर चुनवामा जाने तयारीमा रहेका दलहरुलाई असर पर्ने भएपछि उनीहरुले उक्त व्यवस्था कानुन विपरीत रहेको भन्दै आपत्ति जनाएका थिए।आयोगले दलहरुलाई पठाएको निर्देशन पत्रको बुँदा नम्बर ६ मा उल्लेख गरिएको थियो, ‘स्थानीय तहको प्रमुख वा उपप्रमुख वा अध्यक्ष र उपाध्यक्ष पदमध्ये कुनै एक पदमा मात्र उम्मेदवारी दिने राजनीतिक दलले महिलाको मनोनयनको व्यवस्था गर्ने।’

तर आयोगले मंगलबार विज्ञप्ति जारी गरेर सच्याइएको जनाएको छ।

 

प्रतिक्रिया

सम्बन्धित खवर

ताजा अपडेट
धेरै पढिएको

महाशिवरात्रीको अवसरमा करापुटार धार्मिक तथा साँस्कृतिक महोत्सव फाल्गुण २० देखी २९ सम्म।

मध्यनेपाल नगरपालिकाको १४ औ हिउदे अधिवेसन सम्पन्न, फोटो तथा भिडियोहरु सहित,

भोर्लेटारमा बृहत रक्तदान सम्पन्न ४८ युनिट रगत संकलन।

गोर्खाकालिकाको भलिबलको उपाधि रूपाकोट मुस्लिम समाजलाई

पोखरामा मनाइयो मुक्तक दिवस, उषा शेरचनलाई राष्ट्रिय मुक्तक पुरस्कार दिइने

शुभकामना ईशानेश्वर माविलाई ! (कविता)


TOP