२ वर्षपछि एसईई सुरु, म्याग्दीबाट २२ सय ४५ विद्यार्थी सहभागी – Sarangi News

प्रकाश अधिकारी

म्याग्दी । देशभर एकैसाथ सुरु हुने यस वर्षको माध्यमिक शिक्षा परीक्षा (एसइई) मा म्याग्दी जिल्लाबाट दुई हजारभन्दा बढी विद्यार्थीहरु सहभागी हुने भएका छन् ।

शुक्रबार बिहान ८ बजेदेखि सञ्चालन हुने एस.ई.ई परीक्षामा नियमित र आंशिकतर्फ गरी जम्मा २ हजार २ सय ४५ जना विद्यार्थीहरु परीक्षामा सामेल हुने भएका हुन् ।
परिक्षर्थीमा नियमिततर्फ २ हजार २ सय ३७ जना सहभागी हुने भएका छन् । आंशिकतर्फका ८ जना विद्यार्थीहरु सहभागी हुने शिक्षा विकास तथा समन्वय इकाई प्रमुख दल बहादुर थापाले सारङ्गी न्युजलाई जानकारी दिए ।

जिल्लाबाट पहिलो पटक संस्कृत विद्यालयबाट ९ जना र उज्यालो बैकल्पिक विद्यालयबाट ५ जना आमाहरुले पनि एसईई परीक्षा दिंदै छन् भने १७ जना अपाङ्गता भएका विद्यार्थीहरु सहभागी हुदै छन् । एसइईमा म्याग्दीबाट सहभागी हुनेमा छात्रको तुलनामा छात्रा बढी रहेका छन् । जिल्लामा अहिले १ हजार १ सय पचास जना छात्रा र १ हजार ९५ जनासहभागी हुन लागेका हुन् ।
परीक्षालाई व्यवस्थित र मर्यादित बनाउनका लागि आवश्यक सम्पुर्ण तयारी पुराभएको थापाले जानकारी दिए । परीक्षाका लागि ती केन्द्रहरूमा आवश्यक पर्ने प्रश्नपत्र,उत्तरपुस्तिकालगायतका आवश्यक सामग्री पठाइसकेको उनले जानकारी दिए ।

इकाई प्रमुख थापाका अनुसार एस.ई.ई परीक्षाको लागि जिल्लामा ३ र बाहिर ६ गरी ९ वटा परीक्षा केन्द्र तोकिएको छ । ९ वटा परीक्षा केन्द्रमा ९ केन्द्राध्यक्ष सहित १५ जना सहायक केन्द्राध्यक्ष, ११३ जना निरीक्षक, २० जना परीक्षा सहायक र ४७ जना सहयोगी गरि २ सय ४७ जना जनशक्ति परिचालन गरिएको थापाले जानकारी दिए । परीक्षा केन्द्र परेका विद्यालयका प्रधानाध्यपक नै सो केन्द्रका केन्द्राध्यक्ष बनाइएको छ ।

मालिकामा ३ सय ३२ 

म्याग्दीको मालिका गाँउपालिकाको जनप्रिय मावि, दरबाङ, परीक्षा केन्द्रमा धौलागिरी गाँउपालिकाको एक विद्यालय सहित ११ ओटा विद्यालय सहभागी भएका छन् ।  १ जना ग्रेड वृद्धि र ४ जना अपाङ्गता भएका विद्यार्थी सहित ३ सय ३२ जना विद्यार्थीहरु सहभागी हुने शिक्षा अधिकृत अशोक रिजालले जानकारी दिए । जसमा १ सय ५५ जना छात्र छन् भने १७५ जना छात्रा रहेका छन् ।

देशैभरि एकै साथ संचालन हुने र एस.ई.ई परीक्षा शुक्रवारदेखि सुरु हुने एसईई २० गतेसम्म चल्नेछ । पहिलो दिन अनिवार्य अङ्ग्रेजी विषयको परीक्षा हुनेछ । त्यस्तै, वेदविद्याश्रमतर्फ अनिवार्य संस्कृत भाषा र साहित्यको परीक्षा हुनेछ । परीक्षा बिहान ८ बजेदेखि ११ बजेसम्म हुनेछ ।

देशभरबाट ५ लाख १४ हजार भन्दा बढी सहभागी

कोरोना महामारीका कारण शैक्षिकसत्र २०७६ र २०७७ मा विद्यालयले गरेको आन्तरिक मूल्याङ्कनकै आधारमा परीक्षा बोर्डले एसइईको नतिजा सार्वजनिक गरेको थियो । यस वर्ष भने सामान्य स्वास्थ्य मापदण्ड पूरा गर्दै भौतिक उपस्थितिमै सञ्चालन गर्ने गरी तयारी पूरा भएको राष्ट्रिय परीक्षा बोर्डका अध्यक्ष महाश्रम शर्माले जानकारी दिएका छन् । परीक्षाका लागि ती केन्द्रहरूमा आवश्यक पर्ने प्रश्नपत्र, उत्तरपुस्तिकालगायतका आवश्यक सामग्री जिल्ला–जिल्ला पठाइसकेको उनले जानकारी दिए ।

एसइईका परीक्षा नियन्त्रक अर्जुन रायमाझीले परीक्षाका लागि देशभर दुई हजार सात परीक्षा केन्द्र निर्धारण गरिएको जानकारी दिए । उनले परीक्षामा यस वर्ष ११ हजार ६१५ विद्यालयबाट नियमिततर्फ छात्र एक लाख ५७ हजार ९१४ र छात्रा दुई लाख ५७ हजार ५३ जना गरी कूल पाँच लाख १४ हजार ९६७ परीक्षार्थी परीक्षामा सहभागी हुने जानकारी दिएका छन् ।

ग्रेड वृद्धितर्फ ११ हजार ४५४ विद्यार्थी र प्राविधिक धारकातर्फका २९९ विद्यालयका १४ हजार ५६४ विद्यार्थी पनि एसइईमा सहभागी हुँदैछन् । परीक्षामा सबैभन्दा कम मनाङबाट ४३ विद्यार्थी सहभागी हुँदैछन् । एसइईमा नेपालीले जापानमा सञ्चालन गरेको एक विद्यालयका २० विद्यार्थी पनि सहभागी हुने भएका छन् ।

बोर्डले परीक्षालाई मर्यादित एवं व्यवस्थित बनाउन प्रदेशस्थित सामाजिक विकास मन्त्रालय र जिल्ला परीक्षा समन्वय समितिको व्यवस्थापनमा प्रदेश परीक्षा व्यवस्थापन समिति गठन गरेको छ । यस वर्षको एसइई परीक्षा सञ्चालनका लागि प्रदेश परीक्षा व्यवस्थापन समिति, परीक्षाको अनुगमनदेखि उत्तरपुस्तिका परीक्षण, संपरीक्षण र रुजुको कामसमेत गर्ने भएको अध्यक्ष शर्माले जानकारी दिए ।

प्रदेश परीक्षा व्यवस्थापन समितिले विद्यार्थीको प्राप्ताङ्क पठाएपछि अन्तिममा त्यसलाई रुजु गरेर बोर्डले नतिजा प्रकाशन गर्ने बताइएको छ ।

प्रतिक्रिया

सम्बन्धित खवर

ताजा अपडेट
धेरै पढिएको

प्रथम वसन्त स्‍मृति कपको उपाधी करापुटार भेटरान्सलाई।

बुद्ध आविमा पाहार ट्रसको स्थलगत अध्ययन, ८ कोठे अत्याधुनिक विद्यालय भवन बन्दै !

भोर्लेटारमा एक दिने स्वास्थ्य सिविर सम्पन्न।

भोर्लेटारमा प्रथम वसन्त स्‍मृति भेटरान्स कप शुरु।

बुद्ध आविमा जुनियर रेडक्रस सर्कल गठन तथा रेडक्रस अभिमुखिकरण सम्पन्न

सामाजिक बुुद्धिमत्ता : सम्बन्धको ‘मेटामफोर्सिस’


TOP