मध्यनेपालमा ६८ प्रतिशत मत खस्यो, मतगणना शनिबार सुरु हुने – Sarangi News

रुपिन्द्र प्रभावी,

पोखरा। लमजुङको मध्यनेपाल नगरपालिकामा ६८.४४ प्रतिशत मत खसेको छ ।

हाम्रा प्रतिनिधि रमेशचन्द्र घिमिरेका अनुसार मध्यनेपाल नगरपालिकाका १० ओटै वडामा गरी जम्मा मतदाता सङ्ख्या २० हजार ९२ मध्ये १३ हजार ७५१ मत खसेको छ ।

जसअनुसार वडा नम्बर १ मा रहेको सर्वनन्दन आधारभूत विद्यालय केन्द्रमा ५६३ मध्ये ३१३, ज्ञानेश्वरी आधारभूत विद्यालय केन्द्रमा ७५० मध्ये ४९४ र सप्तधारा माध्यमिक विद्यालय केन्द्रमा ८०२ मध्ये ५४५ मत खसेको छ । उक्त वडामा कुल २११५ मध्ये १३५२ अर्थात् ६३.९२ प्रतिशत मत खसेको हो ।

वडा नम्बर २ मा रहेको चन्द्रज्योति माध्यमिक विद्यालय ‘क’ मा ९२४ मध्ये ५९२ र ‘ख’ मा ९७५ मध्ये ६१९ मत खसेको छ । उक्त वडामा कुल १८९९ मध्ये १२११ अर्थात् ६३.७७ प्रतिशत मत खसेको हो ।

वडा नम्बर ३ को रामबालोदय आधारभूत विद्यालय केन्द्रमा ६९९ मध्ये ४८२ र मङ्गला माध्यमिक विद्यालय केन्द्रमा ९२२ मध्ये ६८० मत खसेको छ । उक्त वडामा कुल १६२१ मध्ये ११६२ अर्थात् ७१.६८ प्रतिशत मत खसेको हो ।

वडा नम्बर ४ को मालिका आधारभूत विद्यालय केन्द्रमा ६३३ मध्ये ४४३ तथा भैरवकाली माध्यमिक विद्यालयको ‘क’, ‘ख’ र ‘ग’ गरी तीनै केन्द्रमा गरी २३०७ मध्ये १६६३ मत खसेको छ । उक्त वडामा कुल २९४० मध्ये २१०६ अर्थात् ७१.६३ प्रतिशत मत खसेको हो ।

वडा नम्बर ५ को सम्झना माध्यमिक विद्यालयको केन्द्र ‘क’ मा ५६० मध्ये ३५८ र ‘ख’ केन्द्रमा ५७२ मध्ये ३४२ गरी जम्मा ७०० मत खसेको छ । उक्त वडामा कुल ११३२ मध्ये ७०० अर्थात् ६१.८३ प्रतिशत मत खसेको छ ।

त्यसै गरी वडा नम्बर ६ को सिद्ध आधारभूत विद्यालय केन्द्रमा ७७१ मध्ये ५७५ तथा ईशानेश्वर माध्यमिक विद्यालय ‘क’ मा १०६४ मध्ये ७१५ र ‘ख’ केन्द्रमा १०५९ मध्ये ७५१ मत खसेको छ । उक्त वडामा कुल २८९४ मध्ये २०४१ अर्थात् ७०.५२ प्रतिशत मत खसेको हो ।

वडा नम्बर ७ को जनमन्दिर माध्यमिक विद्यालय केन्द्रमा ७८४ मध्ये ५१४ तथा कुसुमाकर माध्यमिक विद्यालय ‘क’ र ‘ख’ केन्द्र गरी १७२३ मध्ये १२८४ मत खसेको छ । उक्त वडामा कुल २५०७ मध्ये १७९८ अर्थात् ७१.७१ प्रतिशत मत खसेको हो ।

वडा नम्बर ८ को करापु कल्याण आधारभूत विद्यालय केन्द्रमा ६७७ मध्ये ४४८ तथा डडुवा दुर्छा माध्यमिक विद्यालय ‘क’ र ‘ख’ केन्द्र गरी १०९८ मध्ये ६८३ मत खसेको छ । उक्त वडामा कुल १७७५ मध्ये ११३१ अर्थात् ६३.७१ प्रतिशत मत खसेको हो ।

वडा नम्बर ९ को कल्याण माध्यमिक विद्यालय केन्द्रमा ७३६ मध्ये ५३७ तथा बालज्योति माध्यमिक विद्यालय केन्द्रमा ८६५ मध्ये ५६२ मत खसेको छ । उक्त वडामा कुल १६०१ मध्ये १०९९ अर्थात् ६८.६४ प्रतिशत मत खसेको हो ।

वडा नम्बर १० को गणेशमालिका माध्यमिक विद्यालय ‘क’ र ‘ख’ केन्द्रमा गरी १६०८ मध्ये ११५१ अर्थात् ७१.५७ प्रतिशत मत खसेको छ ।

वैशाख ३० गते शुक्रबार सम्पन्न स्थानीय तहका निर्वाचनका मतपेटिकाहरू नगर निर्वाचन अधिकृतको कार्यालय, भोर्लेटारमा ल्याउने क्रम जारी रहेकाले मतगणना भने शनिबार बिहानदेखि सुरु हुने स्रोतले जनाएको छ । मध्यनेपालका सम्पूर्ण मतदान केन्द्रहरूमा शान्तिपूर्ण रूपमा निर्वाचन सकिएको निर्वाचन अधिकृतको कार्यालयले जानकारी जनाएको छ ।

मध्यनेपालका १० ओटा वडाहरूमध्ये सबैभन्दा कम वडा नम्बर ५ मा ६१.८३ प्रतिशत र सबैभन्दा बढी वडा नम्बर ७ मा ७१.७१ प्रतिशत मत खसेको छ । उक्त नगरपालिकामा सत्तरूढ दलको गठबन्धनका तर्फबाट निवर्तमान मेयर नेपाली काङ्ग्रेका रमेशकुमार पाण्डे र निवर्तमान उपमेयर नेकपा (एमाले) का राजकुमार श्रेष्ठबिच नगर प्रमुखमा तथा माओवादी केन्द्रका तर्फबाट उपेन्द्र अधिकारी र एमालेका तर्फबाट सीता गुरुङबिच तिव्र प्रतिस्पर्धा हुने आँकलन गरिएको छ ।

प्रतिक्रिया

सम्बन्धित खवर

ताजा अपडेट
धेरै पढिएको

प्रथम वसन्त स्‍मृति कपको उपाधी करापुटार भेटरान्सलाई।

बुद्ध आविमा पाहार ट्रसको स्थलगत अध्ययन, ८ कोठे अत्याधुनिक विद्यालय भवन बन्दै !

भोर्लेटारमा एक दिने स्वास्थ्य सिविर सम्पन्न।

भोर्लेटारमा प्रथम वसन्त स्‍मृति भेटरान्स कप शुरु।

बुद्ध आविमा जुनियर रेडक्रस सर्कल गठन तथा रेडक्रस अभिमुखिकरण सम्पन्न

सामाजिक बुुद्धिमत्ता : सम्बन्धको ‘मेटामफोर्सिस’


TOP