बेनीमा शिक्षकहरुका लागि सात दिवसीय आइसिटी कष्टमाइज तालिम (फाेटाे फिचर) – Sarangi News

बेनी । शिक्षकहरुका लागि आइसिटी सम्बन्धि सात दिवसीय कष्टमाइज तालिम मंगलबार बेनीमा सम्पन्न भएको छ ।

शिक्षा तालिम केन्द्र तनहुँको आयोजनामा म्याग्दीको बेनी सामुदायिक विद्यालयमा संचालित तालिममा म्याग्दी, बागलुङ र पार्वतका आधारभूत र माध्यमिक तहका २६ जना शिक्षकहरुको सहभागीता रहेको शिक्षा तालिम केन्द्र विस्तारित शाखा बेनीका प्रमुख झलक प्रसाद सुबेदीले जानकारी दिए ।

गत असार १५ गतेदेखि संचालन भएको तालिममा शैक्षिक एप्लिकेसन, वव लिन्क, पावर पोइन्ट, एमएस अफिस वड , एमएस अफिस एक्सेल सम्बन्धि आधारभूत ज्ञान सीप सिकाइएको तालिम संयोजक राजकुमार विष्टले जानकारी दिए । उनले शिक्षामा आइसिटीको अपरिहार्यता रहेको उल्लेख गर्दै आइसिटी बिना अहिलेको शिक्षक शिक्षक नै नहुने जिकिर गरे ।

सहभागीका तर्फबाट जनकल्याण मावी पुलाचौरका प्रधानाध्यापक कमल प्रसाद पौडेलले अहिलेको युग विज्ञान र प्रविधिको युग भएकाले आइसिटीको प्रयोग अनिवार्य भएको बताए । त्यस्तै अर्का सहभागी भानु माध्यामिक विद्यालयका सुनिता महत बोगटीले तालिमले आफुमा आत्मबल बढाएको बताइन उनले तालिममा सिकेको कुरा व्यबहारमा लागू गर्ने प्रतिबद्धता समेत जनाइन् ।

तालिमका सहजकर्ताले विज्ञान प्रविधिको तीब्र विकासले गर्दा सिकेका सिपहरु तत्काल प्रयोग गरिएन भने निष्प्रभावी हुने भन्दै व्यबहारमा उतार्न सुझाव दिए ।

जामुना खर्क माविका विज्ञान शिक्षक रमेश बिगटीले विज्ञानमा आइसिटीको प्रयोगले सिकाइलाई संगठित, प्रभाकारी र मुर्त धारणाको विकास गर्न सकिने बताए । उनले विज्ञान र गणित जस्ता अप्ठ्यारो मानिने विषयलाई सजिलै सिक्ने, खोजमुलक र व्यबहारीक बनाउने अस्त्रको आइसिटीको प्रयोग गरेको प्रतिक्रिया दिए ।

शिक्षा तालिम केन्द्र तनहुँको आयोजना र शिक्षा तालिम केन्द्र विस्तारित शाखाको संयोजनमा यहि असार २३ गतेदेखि आधारभूत तह १-५ को शिक्षकको पेशागत विकास टिपिडी संचालन हुँदै छ । (तस्विर रमेश बाेगटी)

प्रतिक्रिया

सम्बन्धित खवर

ताजा अपडेट
धेरै पढिएको

प्रथम वसन्त स्‍मृति कपको उपाधी करापुटार भेटरान्सलाई।

बुद्ध आविमा पाहार ट्रसको स्थलगत अध्ययन, ८ कोठे अत्याधुनिक विद्यालय भवन बन्दै !

भोर्लेटारमा एक दिने स्वास्थ्य सिविर सम्पन्न।

भोर्लेटारमा प्रथम वसन्त स्‍मृति भेटरान्स कप शुरु।

बुद्ध आविमा जुनियर रेडक्रस सर्कल गठन तथा रेडक्रस अभिमुखिकरण सम्पन्न

सामाजिक बुुद्धिमत्ता : सम्बन्धको ‘मेटामफोर्सिस’


TOP