बालापनको गीत (बालकविता)

                       – आचार्य प्रभा

बालापनको त्यो कथा सुनाई देऊ न ए आमा

कस्तो नाना लाउँथें म भोटो हो या जामा ………

 

ताते ताते गरेर औंला समाई हिँडाएछौ

बामे सर्दा आफू पनि बालापनमै आएछौ …..

 

शैशवकालको त्यो दिन फर्काई देऊ न ए आमा

कस्तोसँग नाच्थेँ म समाएर आफ्नै नाना ……….

 

को खाई को खाई गरेर लिटो जाउलो खुवाइछौ

नु नु नु नु गर भन्दै लोरी पनि सुनाइछौ ………….

 

अबोधपनको त्यो पल सम्झाई देऊ न ए आमा

कति दुःख दिएँ तिम्लाई अब माग्छु म क्षमा …………………

 

बुढी औँला समाई घुमाउन लग्यौ होला

मेरो स्याहार सुसारमा कति कष्ट भोग्यौ होला ………..

 

बालापनको ……………..

*****************

दमक झापा

रचना -अप्रिल २१ /२०१९