बाल गीतिकविताः बाल भावना – Sarangi News

बाल भावना (बाल गीतिकविता)

         –बिमुन्स पौडेल

साना साना हात मेरा लेख्छन् सानै कुरा

साना कुरा भन्नू बाबा हुन्छन् हुन्नन् पूरा

सपनाको संसारमा रमाउने सोच

हिँड्न लाग्यो किन बाबा भेटिएको खोँच

 

पढ्ने अनि ठूलो मान्छे बन्ने भनेको हो

पढ्न भन्दै कति पैसा छन्छन् गनेको हो

यस्तै आशा हजार छन् पूरा हुन्छन् हुन्नन्

हाम्रा आँसु झर्दा तिनका मुटु किन छुन्नन्

 

अँध्यारोमा आँखा छोप चाहे खोल तिमी

साना-साना बालकको गीत बोल तिमी

दुःखी हुन्छन् कैयौँ मान्छे तिम्रो कारणले

यही बुझी सधैँ हिँड्नु धैर्य धारणले

 

मैले सानो मगजले यति कुरा भनेँ

सधैँ खुशी बन्ने आशा राखी सुख गनेँ

बाबा आमा जे जे भन्नु हुन्छ बस्छु सुनी

गर्न सके केही काम गर्छु भित्र गुनी।।

 

मेरो पनि हेरचाह गर्नुहुन्छ आमा

कुनै दिन आई मायाँ दिनुहुन्छ मामा

बाबा चिन्ता गर्दे पढ भन्नुहुन्छ हेर

समयको गति बढ्छ फाल्नु हुन्न खेर

***********************

पोखरा

प्रतिक्रिया

सम्बन्धित खवर

ताजा अपडेट
धेरै पढिएको

महाशिवरात्रीको अवसरमा करापुटार धार्मिक तथा साँस्कृतिक महोत्सव फाल्गुण २० देखी २९ सम्म।

मध्यनेपाल नगरपालिकाको १४ औ हिउदे अधिवेसन सम्पन्न, फोटो तथा भिडियोहरु सहित,

भोर्लेटारमा बृहत रक्तदान सम्पन्न ४८ युनिट रगत संकलन।

गोर्खाकालिकाको भलिबलको उपाधि रूपाकोट मुस्लिम समाजलाई

पोखरामा मनाइयो मुक्तक दिवस, उषा शेरचनलाई राष्ट्रिय मुक्तक पुरस्कार दिइने

शुभकामना ईशानेश्वर माविलाई ! (कविता)


TOP