बालकविताः माकुरो र जाल – Sarangi News

माकुरो र जाल (बालकविता)

   – नरिश्वर गौतम

हिजोसम्म केही थिएन, के भो एकै रातमा
धागो हो कि के बेरियो लौन मेरो हातमा ।।
कसले बेर्यो होला यस्तो भएँ म झसङ्ग
धागो छोडी भागेछ कि आकाशतिर चङ्गा? 
न त डोरी न हो धागो न हो कुनै झाल
मलाई नै पार्ने गरी कसले थाप्यो जाल?
आत्तिएर फुकाएँ हात यताउता हेर्दै
अलिकति पछि हटी हेरेँ छक्क पर्दै ।।
मुखैभरि जेलिएछ सेतै भएछ कपाल
माथितिर हेरेको त कति राम्रो रुमाल ।।
कसले बुन्यो होला यस्तो के हो खास कुरो 
रुमाल फिजाई सुतेको पो रहेछ माकुरो ।।
उठाउन खोजेँ उसलाई बजाएर ताली
थाहै नदिई बाटोघाटो किन राख्यौ जाली?
ठूला ठूला आँखा पार्दै भन्यो माकुराले
मेरो निद्रा खलबलायौ भन के कुराले? 
यो त मेरो आफ्नै घर हो बनाएको मैले
हिजो राती बनाएको थाहा पायौ अहिले? 
सत्य कुरा भनेँ मैले होइन कुनै ख्याल
निकालेर बनाएको आफ्नै मुखको र्याल ।।
उ्डदै आए पुतली फसे त्यही जालमा
कुरिरहेथ्यो माकुरो आफ्नै मस्त चालमा
समाएर पुतलीलाई हेर्दाहेर्दै निल्यो
भन्छ अझ -बल्ल आज मीठो खाना मिल्यो ।।
घर पनि जाल रहेछ पासो पनि जाल
यताउता हिँड्दा सधैँ गर्नु राम्रो ख्याल
माकुराको चाल देखी छक्क परेँ म त
यस्तो चलाख सिपालु अरु कुनै छ त ?
————–
लेखकको फेसबुक लिङ्कका लागि यहाँ  थिच्नुहोस् ।

प्रतिक्रिया

सम्बन्धित खवर

  मंग्सिर ९, २०८० शनिबार 70 Views

लघुकथाको ५५ औँ शृङ्खला

  मंग्सिर ९, २०८० शनिबार 167 Views

बालकविताः हजुरबाको चस्मा

  मंग्सिर ६, २०८० बुधबार 110 Views

बा आमाको माया (बालकविता)

  मंग्सिर ५, २०८० मंगलबार 201 Views

चिसो यामः बालकविता

ताजा अपडेट
धेरै पढिएको

लमजुङका अमित रसाईली भ्वाईस अफ नेपालको ब्याटलमा।

पुर्व खेलकुद मन्त्री जगत विश्वकर्मा मर्दी पदयात्रामा, पर्यटकको बढ्दो चाप।

स्व: जगदिश न्यौपाने रनिङ शिल्डमा २१ टिमको सहभागिता।

मध्यनेपाल नगरपालिकामा यात्रु सहायता कक्ष संचालन।

बाल गजल : दसैँ

पोखरामा एकल वाचनमा सुनिए त्रिपाठी


TOP