शिवालय बाल क्लबद्वारा वक्तृत्वकला प्रतियोगिता सम्पन्न – Sarangi News

पोखरा । शिवालय माध्यमिक विद्यालयमा क्रियाशील शिवालय बाल क्लबले शुक्रबार वक्‍तृत्वकला प्रतियोगिता सम्पन्न गरेको छ ।

रूपा गाउँपालिका-२, थुम्की, कास्कीस्थित सो विद्यालयका २० जना विद्यार्थीहरूले भाग लिएका प्रतियोगितामा आधारभूत तह (१-३) मा ‘मेरो विद्यालय’ शीर्षकमा बोल्ने वक्ताहरूमध्ये विवेक सुर्खाली, सन्देश सुवेदी र रितिक सुवेदी क्रमशः पहिलो, दोस्रो र तेस्रो हुनुभयो । यस्तै, आधारभूत तह (४-८) मा ‘कम्प्युटर शिक्षाको महत्त्व’ शीर्षकमा बोल्ने वक्ताहरूमध्ये दीपेश पौडेल, सागर ओझा र विनम ओझा तथा माध्यमिक तहमा ‘सवारी साधनले बढाएको प्रदूषण र समाधानका उपायहरू’ शीर्षकमा बोल्ने वक्ताहरूमध्ये समीक्षा राना मगर, रन्जिता ओझा र आयाम ओझा क्रमशः पहिलो, दोस्रो र तेस्रो हुनुभएको थियो ।

क्लबकी अध्यक्ष करिना ओझाको अध्यक्षतामा भएको प्रतियोगिताको निर्णायकमा रामबहादुर माल, बिना तिमल्सेना र सम्झना सुवेदी रहनुभएको थियो । सचिव सौरव अधिकारीद्वारा सञ्चालित कार्यक्रममा प्रधानाध्यापक रुपिन्द्र प्रभावी र सहायक प्रधानाध्यापक ऋषिराम ओझाले शुभकामना दिनुभएको थियो । क्लबले पाक्षिक रूपमा भित्तेपत्रिका प्रकाशनका अलावा विद्यार्थीको प्रतिभा प्रस्फुटन र बालअधिकारका पक्षमा विविध कार्यक्रम सञ्चालन गर्दै आएको क्लबकी शिक्षक संयोजक रस्मिला खनालले जानकारी दिनुभयो ।

प्रतिक्रिया

सम्बन्धित खवर

ताजा अपडेट
धेरै पढिएको

महाशिवरात्रीको अवसरमा करापुटार धार्मिक तथा साँस्कृतिक महोत्सव फाल्गुण २० देखी २९ सम्म।

मध्यनेपाल नगरपालिकाको १४ औ हिउदे अधिवेसन सम्पन्न, फोटो तथा भिडियोहरु सहित,

भोर्लेटारमा बृहत रक्तदान सम्पन्न ४८ युनिट रगत संकलन।

गोर्खाकालिकाको भलिबलको उपाधि रूपाकोट मुस्लिम समाजलाई

पोखरामा मनाइयो मुक्तक दिवस, उषा शेरचनलाई राष्ट्रिय मुक्तक पुरस्कार दिइने

शुभकामना ईशानेश्वर माविलाई ! (कविता)


TOP