नानी बिवुका पाँच मुक्तकहरू – Sarangi News

मुक्तक १ ( देशप्रेम )

नैतिकता, मानवता  इमान्दारिता आदि सबैसबै गुमाएपछि

धर्म, संस्कार, संस्कृति, स्वाभिमान रहेन केही डलर पाएपछि

हरेक उत्सव दियो बालेर होइन केक काटेर थालिन्छ, अचेल

के-के भएन र देशमा सङ्घीयता र धर्मनिरपेक्षता आएपछि ।

 

मुक्तक २ (समसामयिक )

पछाडिबाट ढाड सेकियो उही गरिबको  मुटुमा छुरा कोपियो

हिजो छोरी दिन लाग्दा कति दिन सक्छौ दाइजो सोधियो

संस्कृतिको नाममा यो कस्तो विकृति आयो हे भगवान्

सालीसँग जुत्ताको मोल नमिलेर आज छोराको बिहे रोकियो ।

 

मुक्तक ३ (शङ्गारिक )

फक्रेको फूल तिम्रो जोबन मेरो के दोष ?

म पनि त बैंसको तन्नेरी झन् मेरो के दोष ?

बैँसालु बासना छर्दै हिँड्छ्यौ तिमी अनि

उठ्छ मनमा तरङ्ग अनेकन मेरो के दोष ?

 

मुक्तक ४ (अन्य )

दिन रात नभनी खटिएर के-के गर्नुभएको होइन र ?

चुनावको बेला मरिमेटेर लागि पर्नुभएको होइन र ?

जितेपछि आफ्नै भुँडी भरे भन्दै के गर्नुहुन्छ गुनासो ?

बिर्सनु भो ? जित्नु अघि त तपाईकै भुँडी भर्नुभएको होइन र ? 

 

मुक्तक ५ (अन्य )

आँखा रसाउँछ साह्रै मन  दुखेर आउँछ  साँच्चै भन्नु पर्दा

सबथोक गर्न सक्छु तर पनि अरूको नजरमा अपाङ्ग बन्नु पर्दा

चाहेजस्तो वर पाउन सकिन, घरबार बसाउन सकिन

देखेनन् कयौँ सफलता मेरा कमजोरी एउटै थियो गन्नु पर्दा ।

 

दुराडाँडा, लमजुङ हाल गैंडाकोट नवलपुर

प्रतिक्रिया

सम्बन्धित खवर

  मंग्सिर ९, २०८० शनिबार 78 Views

लघुकथाको ५५ औँ शृङ्खला

  मंग्सिर ९, २०८० शनिबार 195 Views

बालकविताः हजुरबाको चस्मा

  मंग्सिर ६, २०८० बुधबार 119 Views

बा आमाको माया (बालकविता)

ताजा अपडेट
धेरै पढिएको

लमजुङका अमित रसाईली भ्वाईस अफ नेपालको ब्याटलमा।

पुर्व खेलकुद मन्त्री जगत विश्वकर्मा मर्दी पदयात्रामा, पर्यटकको बढ्दो चाप।

स्व: जगदिश न्यौपाने रनिङ शिल्डमा २१ टिमको सहभागिता।

मध्यनेपाल नगरपालिकामा यात्रु सहायता कक्ष संचालन।

बाल गजल : दसैँ

नवराज विक हत्यामा संलग्न २३ जनालाई जन्मकैद, प्रेमिकालाई जेल सजाय


TOP