अनिलकी टाइगर हिलकी पुनम पोखरामा – Sarangi News

पोखरा । साहित्यकार अनिल श्रेष्ठको निबन्ध कृति टाइगर हिलकी पुनमको पोखरामा शनिबार चर्चा गरिएको छ ।

बुकमार्ट पोखराले आयोजना गरेको कार्यक्रममा कृतिको चर्चा गर्दै गण्डकी साहित्य सङ्गमका अध्यक्ष डा. कृष्णराज अधिकारीले कृतिमा अनिलको शैलीगत वैशिष्ट्य झल्केको बताए । लेखकलाई पहिचान दिलाउने मूल कुरा नै शैली भएकोमा जोड दिँदै अधिकारीले जीवनका उतारचढावहरूलाई विशिष्ट शैलीमा निबन्धगत स्वाद दिनु अनिलको विशेषता भएको बताए । उनले काव्य र आख्यानको संयुक्त स्वादयुक्त निबन्ध समेटिएकाले कृतिले जुनसुकै स्तरका पाठकलाई पनि आकर्षण गर्न सक्ने धारणा राखे । निबन्धलाई सरल र सरस ढङ्गले प्रस्तुत गरिएको भन्दै २ दशकभन्दा बढी समयको इतिहाससमेत कृतिमा पाइने उनको भनाइ थियो ।

अर्की समीक्षक सिर्जना ढकालले निबन्धकारले आफूले देखेका र भोगेका विषयवस्तुलाई इमानदारीपूर्वक निबन्धमा समेटेकाले कृति पठनीय बनेको धारणा राखिन् । वैचारिक दृष्टिकोणले पनि बलिया निबन्धहरू भएकाले पाठकका लागि महत्त्वपूर्ण कृति भएको भन्दै ढकालले विचारलाई काव्यको लेपन लगाउँदै निबन्धात्मक स्वरूप दिएर अनिलले निबन्ध लेखेका बताइन् ।

निबन्धकार श्रेष्ठले आफूले बाल्यकालदेखि जीवनका विभिन्न मोडमा अनुभूत गरेका कुराहरूलाई निबन्धगत स्वरूप दिएको बताए । आफूले कुनै विचारधाराप्रति पूर्वाग्रह नराखी निबन्धको विषयवस्तुलाई अघि बढाएको उनले बताए । केही निबन्धमा प्रयोगात्मक प्रस्तुति दिने प्रयत्नसमेत गरेको भन्दै उनले आफ्नै पारिवारिक विखण्डन, बाल्यकालका दुःख, युवाकालका सङ्घर्ष, राजनीतिक जीवनका जेलनेल, भ्रमणलगायतका विषयवस्तुलाई वैचारिकीसहित निबन्धमा प्रस्तुत गरेको उनले बताए ।

२१ ओटा निबन्धहरू समेटिएको कृतिको चौथो संस्करण हालै विवेक सिर्जनशील प्रकाशनमार्फत् बजारमा आएको छ । यसअघि उनका आरू फुलेको साँझ, मफलर युद्ध, प्रजातन्त्र र पागल, अनिल श्रेष्ठका प्रतिनिधि कवितालगायतका कृतिहरू प्रकाशित छन् । तनहुँको आँबुखैरेनीका अनिल सोही ठाउँमा रहेको आँबुखैरेनी स्रष्टा समाज र आँबुखैरेनी वाङ्‍मय परिषद्का अध्यक्ष पनि हुन् ।

प्रतिक्रिया

सम्बन्धित खवर

ताजा अपडेट
धेरै पढिएको

महाशिवरात्रीको अवसरमा करापुटार धार्मिक तथा साँस्कृतिक महोत्सव फाल्गुण २० देखी २९ सम्म।

मध्यनेपाल नगरपालिकाको १४ औ हिउदे अधिवेसन सम्पन्न, फोटो तथा भिडियोहरु सहित,

भोर्लेटारमा बृहत रक्तदान सम्पन्न ४८ युनिट रगत संकलन।

गोर्खाकालिकाको भलिबलको उपाधि रूपाकोट मुस्लिम समाजलाई

पोखरामा मनाइयो मुक्तक दिवस, उषा शेरचनलाई राष्ट्रिय मुक्तक पुरस्कार दिइने

शुभकामना ईशानेश्वर माविलाई ! (कविता)


TOP