प्रत्यक्षमा कांग्रेस र समानुपातिकमा एमाले नम्बर वान, माओवादीको बज्यो घण्टी : १० लाख मत गन्दा कुन दलको हिस्सा कति ? – Sarangi News

पाेखरा । प्रतिनिधिसभाको समानुपातिकतर्फ १० लाख मत गणना हुँदा नेकपा एमाले झण्डै एक तिहाइ हिस्साका साथ अग्रस्थानमा छ । एमालेले २ लाख ८४ हजार मत पाउँदा कांग्रेसले २ लाख ६२ हजार मत बटुलेको छ । तेस्रो स्थानमा रहेको राष्ट्रिय स्वतन्त्र पार्टीले १ लाख ३७ हजार मत पाएको छ ।

अहिलेसम्म पाएको मतलाई कुल सदर मत मानेर हिसाब निकाल्दा बढी मत ल्याउने १० दलमध्ये यी तीन दलबाहेक नेकपा माओवादी केन्द्र र राष्ट्रिय प्रजातन्त्र पार्टीले मात्रै थ्रेसहोल्ड कटाएका छन् । जनता समाजवादी पार्टी, नेपाल मजदुर किसान पार्टी, जनमत पार्टी, एकीकृत समाजवादी र नागरिक उन्मुक्ति पार्टी शीर्ष १० स्थानमा रहे पनि तीन प्रतिशत कटाउन सकेका छैनन् ।

तीन प्रतिशत मत कटाउन नसक्ने दल समानुपातिकमा सिट बाँडफाँटको प्रतिस्पर्धामा रहँदैनन् र उनीहरुबाहेक बाँकी दलको मतगणना गरिन्छ ।

अहिलेसम्म कुल सदर भएको मतलाई आधार मान्दा पाँच दलले मात्रै तीन प्रतिशत मत कटाएका छन् । ती दलले मात्रै पाएको मत र अनुपात निकाल्दा एमालेले ३२.१५ प्रतिशत मत पाएको छ । कांग्रेसको २९.७३ प्रतिशत मत छ । राष्ट्रिय स्वतन्त्र पार्टीको १५.५ र माओवादी केन्द्रको १४.५८ प्रतिशत मत छ । राष्ट्रिय प्रजातन्त्र पार्टीले करिब ८ प्रतिशत मत पाएको छ । अहिलेसम्म समानुपातिकतर्फ १० लाख ५ हजार बढी मतगणना भएको छ ।

प्रतिक्रिया

सम्बन्धित खवर

ताजा अपडेट
धेरै पढिएको

प्रथम वसन्त स्‍मृति कपको उपाधी करापुटार भेटरान्सलाई।

बुद्ध आविमा पाहार ट्रसको स्थलगत अध्ययन, ८ कोठे अत्याधुनिक विद्यालय भवन बन्दै !

भोर्लेटारमा एक दिने स्वास्थ्य सिविर सम्पन्न।

भोर्लेटारमा प्रथम वसन्त स्‍मृति भेटरान्स कप शुरु।

बुद्ध आविमा जुनियर रेडक्रस सर्कल गठन तथा रेडक्रस अभिमुखिकरण सम्पन्न

सामाजिक बुुद्धिमत्ता : सम्बन्धको ‘मेटामफोर्सिस’


TOP