पत्रकार प्रल्हादचन्द्र घिमिरेमाथि दुर्व्यवहार गर्नेहरूले माफी मागे – Sarangi News
पोखरा । गत माघ १० गते स्याङ्जाको आँधीखोला गाउँपालिका वडा नं. ४ वाङ्सिङ दहमा रिपोर्टिङका लागि पुगेका फेवा टेलिभिजनका समाचार प्रमुख तथा समाचारपाटी डटकमका पत्रकार प्रल्हादचन्द्र घिमिरेमाथि दुर्व्यवहार गर्नेहरुले माफी मागेका छन् ।
आँधिखोला गाउँपालिकाका उपाध्यक्ष सीता थापा, वडा अध्यक्ष सिंहबहादुर क्षेत्री, नेपाल पत्रकार महासंघ कास्कीका अध्यक्ष विमला भण्डारी, उपाध्यक्ष रामप्रसाद तिमिल्सिना, नेपाल पत्रकार महासंघ स्याङ्जाका पूर्व अध्यक्ष ओम शर्मा, महासंघ स्याङ्जाका उपाध्यक्ष भवानी अधिकारी, नेपाल प्रेस युनियन गण्डकी प्रदेशका अध्यक्ष टंक पौडेल, महासचिव प्रकाश ढकाल, फेवा टेलिभिजनका प्रवन्ध निर्देशक लीलाबहादुर जिसीको उपस्थितिमा जिल्ला प्रहरी कार्यालय स्याङ्जामा भएको छलफलमा पत्रकार घिमिरेमाथि दुर्व्यवहार गर्ने स्थानीय टोल विकास समितिका अध्यक्ष ठाकुरप्रसाद पौडेल, रेशम पौडेल, पिताम्बर पौडेल, बाबुराम पौडेलले आफूहरूले पत्रकार भन्ने थाहा हुँदा हुँदै आवेशमा आएर गल्ती गरेको स्विकार गर्दै आगामी दिनमा यस्ता कार्य नगर्ने प्रतिवद्धता व्यक्त गरेका छन् । उनीहरूले आगामी दिनमा सामाजिक काम र सार्वजनिक विषयमा पत्रकारहरूको सहयोग लिएर काम गर्नेसमेत बताएका छन् ।
सो अवसरमा नेपाल पत्रकार महासंघ कास्कीका अध्यक्ष विमला भण्डारीले पत्रकारहरूलाई सार्वजनिक विषयमा निर्वाध रूपमा समाचार सङ्कलन र सम्प्रेषण गर्ने अधिकार रहेको भन्दै कार्यस्थलमा पत्रकारहरूलाई हुने यस्ता दुर्व्यवहारका घटनामा महासंघको ध्यानाकर्षण भएको भन्दै आगामी दिनमा यस्ता कार्यहरू नदोहोर्याउन सुझाव दिइन् ।
गाउँपालिका उपाध्यक्ष सीता थापाले पत्रकार भनेर थाहा पाउँदा आफूसहित गाउँपालिकाका प्रतिनिधिले रोक्न खोज्दा पनि पत्रकारमाथि जुन व्यवहार भयो, त्यसले गाउँपालिकालाई नै लज्जित बनाएको बताइन् । उनले आगामी दिनमा यस्तो कार्य हुन नदिन गाउँपालिका सचेत रहेको बताइन् । उनले पत्रकारहरूले रिपोर्टिङमा जाँदा आफ्नो परिचय खुलाएर जानकारी दिएर जान पनि सुझाव दिइन् ।
सो अवसरमा पत्रकार घिमिरेले पत्रकारलाई सूचना आएपछि समाचार सङ्कलनका लागि फिल्डमा जाँदा आगामी दिनमा यस्ता कार्य नहोस भन्ने कामना गरे ।
पत्रकार महासंघको समन्वयमा जिल्ला प्रहरी कार्यालय स्याङ्जामा दुवै पक्षबिच छलफल भई मिलापत्र भएर आगामी दिनमा दुवै पक्षले एक आपसमा सहयोगीको भावनाका साथ आ–आफ्नो काम गर्ने सहमति भएको छ ।

प्रतिक्रिया

सम्बन्धित खवर

  जेठ ५, २०८१ शनिबार 4 Views

Online Spor Bahisleri Şirketi Empieza Casin

  जेठ ५, २०८१ शनिबार 5 Views

Aviator Oyna ᐈ Aviator Giriş, Aviator’ı Kayıt Olmadan Ücretsiz Oynayı

  जेठ ४, २०८१ शुक्रबार 4 Views

“22bet Magyarország Hivatalos 22bet Webolda

  जेठ ४, २०८१ शुक्रबार 5 Views

Mobil Versiyon Apk Ve Ios Için Mostbet Uygulamas

  जेठ ४, २०८१ शुक्रबार 5 Views

10 Лучших Онлайн Слотов ️ Лучшие Слоты【2024

ताजा अपडेट
धेरै पढिएको

बुद्ध आविमा पाहार ट्रसको स्थलगत अध्ययन, ८ कोठे अत्याधुनिक विद्यालय भवन बन्दै !

भोर्लेटारमा एक दिने स्वास्थ्य सिविर सम्पन्न।

बुद्ध आविमा जुनियर रेडक्रस सर्कल गठन तथा रेडक्रस अभिमुखिकरण सम्पन्न

सामाजिक बुुद्धिमत्ता : सम्बन्धको ‘मेटामफोर्सिस’

शिक्षक : गड पाटिक्ल्स वा पथप्रदर्शक ?

दुर्गमको उत्कृष्ट विद्यालय : बुद्ध आवि, कसरी सम्भव भयो ?


TOP