पोखरा । माछापुच्छ्रे माध्यमिक विद्यालय माछापुच्छ्रे गाउँपालिका – २, भुर्जुङखोलाले विद्यालयको ५५ औँ वाषिकोत्सव, अभिभावक दिवसको अवसरमा बुधबारदेखि २ दिने गणित तथा विज्ञान प्रदर्शनी आयोजना गरेको छ ।

गणित र विज्ञान विषयलाई दैनिक जीवन र व्यावहारिक ज्ञानसँग जोडेर सहज सिकाइका लागि सम्बन्धित विषयका करिब १५० परियोजनाहरुमध्ये उत्कृष्ट ७५ लाई प्रदर्शनीमा राखिएको छ । उक्त प्रदर्शनी एक कार्यक्रमका बिच माछापुच्छे« गाउँपालिका, वडा नं. २ का वडाध्यक्ष गणेश आचार्यले उद्घाटन गरे । उद्घाटनका क्रममा वडाध्यक्ष आचार्यले विद्यार्थीको सिर्जनात्मक क्षमताको खुलेर प्रशंसा गरे । मन्तव्यको क्रममा माछापुच्छ्रे गाउँपालिका शिक्षा शाखा प्रमुख सम्झना पोखरेलले गणित र विज्ञानका सैद्धान्तिक ज्ञानलाई व्यवहारमा उतार्ने माछापुच्छे« माविका विद्यार्थी भाइबहिनीहरुको सिप र कलाको सिको अन्य विद्यालयले समेत गर्नु पर्नेमा जोड दिइन् । मर्दिखोला शैक्षिक प्रतिष्ठान, कास्कीबाट आर्थिक सहयोग प्राप्त उक्त प्रदर्शनीको उद्घाटन सत्रमा उक्त प्रतिष्ठानका सचिव डिल्लीराम गिरीले कार्यक्रमको सफलताको शुभकामना दिएका थिए  ।

विज्ञान प्रर्दशनीको पहिलो दिनमा १६ वटा छिमेकी विद्यालयका करिव २००० विद्यार्थीले अवलोकन गरेका थिए । माछापुच्छ्रे माविका शिक्षा प्रमुख निलराज अधिकारीले प्रदर्शनी फाल्गुन ११ गते पनि निरन्तर जारी रहने जानकारी दिएका छन् ।

साथै, वार्षिकोत्सवको पूर्व सन्ध्यामा विद्यालयले आजै अन्तर विद्यालय (१–५)  हाजिरी जवाफ प्रतियोगिता समेत सम्पन्न गरेको छ । नौ वटा विद्यालयको सहभागिता रहेको उक्त प्रतियोगितामा माछापुच्छे« माध्यमिक विद्यालय,   सागर मेमोरियल बोडिङ्ग स्कुल र वाराही आधारभूत विद्यालयले क्रमशः प्रथम, द्वितीय र तृतिय स्थान हासिल गरे । विद्यालयका विद्यालय व्यवस्थापन समितिका अध्यक्ष बम बहादुर गुरुङको अध्यक्षतामा सञ्चालित कार्यक्रमको सञ्चालन विद्यालयका शिक्षक नेपाल प्रकाश अधिकारीले गरेका थिए ।