नारी दिवसमा मगरदाङ्गमा आमाहरुको फुटसल प्रतियोगिता हुने, पुरस्कार सौजन्य धमाधम आउँदै… – Sarangi News

प्रकाश अधिकारी
म्याग्दी । अन्तर्रािष्ट्रय नारी दिवसको अवसरमा मालिका गाउँपालिका–५ देविस्थानमा महिला फुटसल प्रतियोगिता हुने भएको छ ।

‘स्वास्थ्य र समाजका लागि खेलकुद’भन्ने आर्दशसहित मगरदाङ्ग आमा समूहको नारी दिवसको अवसरमा अन्तर समुह स्तरीय महिला फुटसल प्रतियोगिता गर्न लागिएको समुहका अध्यक्ष राजमती बुढाथोकीले जानकारी दिनुभयो । मनोेरञ्जनका साथसाथै महिलाहरुमा उच्च स्तरको आत्मविश्वास, समुहकार्य र नेतृत्व क्षमताको विकास गराउने उद्देश्यले कार्यक्रम आयोजकले जनाएको छ ।

मगरदाङ्ग खेलमैदानमा हुने फुटसलको टिमदर्ता समय यहि फागुन २१ र २२ गते हुने समुहका सचिव सुनिता पुनले जानकारी दिनुभयो । २२ गते फागुपुर्णिमाको अवसरमा होलीमा रमाउँदै पहिलो चरणका खेल हुने र २४ गते अन्तर्रािष्ट्रय नारी दिवसको दिन सेमी तथा फाइनल खेल हुने छ । पुनले भन्नुभयो । खेलमा देविस्थानका करिब एकदर्जन महिला समुहले भाग लिने छन् । खेलमा कुनै पनि विभागीय टोली र क्लबबाट खेल नखेलेका विवाहित महिला भाग लिन पाउने उल्लेख गरिएको छ । टिमदर्ता शूल्क रु ६ सय तोकिएको सचिव पुनले जानकारी दिनुभयो । खेलको विजेताले रु ५ हजार र प्रमाणपत्र पाउने छन् । उपविजेताले ३ हजार, तृतीय हुनेले समुहले रु २ हजार र प्रमाणपत्र पाउने छन् ।

यसैबिच समुहलाई फुटसलको पुरस्कार सौजन्य प्राप्त भएको छ । पोखराका इन्जिनियर प्रतिक खड्काले महिलाहरुलाई प्रोत्सान होस् भनेर तृतीय पुरस्कार सौजन्य गर्नुभएको छ । इन्जिनियर खड्काले पहिलोपटक सैजन्य गर्नुभएकोमा आमा समुहले धन्यबाद ज्ञापन समेत गरेको छ । अन्तर्रािष्ट्रय नारी दिवसको अवसरमा आयोजित कार्यक्रम देविस्थानवासीको गौरब र आशाको सञ्चार भएको बताउनुभयो । उहाँले पुरस्कार सौजन्य गर्नुभएका खड्कालाई धन्यबाद ज्ञापन गदै देश तथा विदेशमा रहनुभएका देविस्थान बासीलाई आर्थिक, नैतिक तथा भौतिक सहयोग गर्न अपिल समेत गर्नुभयो । सहयोग गर्न चाहने महानुभावहरुले ९८६७८८६४८६ र ९८४०३३३२६० मा सम्पर्क गर्न सकिने आयोजकले जनाएको छ ।

अन्तर्राष्ट्रिय नारी दिवस सन् १९०९ सालमा अमेरिकाबाट राजनितिक तवरबाट शुरु भएको हो । हाल महिला अधिकार, महिला सशक्तिकरण र लैङ्गिक समानता आदि सवालहरूमा केन्द्रि हुने गरेको छ । हरेक वर्षको मार्च ८ तारिखमा अन्तर्राष्ट्रिय नारी दिवस विश्वभर मनाउने गरिन्छ ।

प्रतिक्रिया

सम्बन्धित खवर

ताजा अपडेट
धेरै पढिएको

बुद्ध आविमा पाहार ट्रसको स्थलगत अध्ययन, ८ कोठे अत्याधुनिक विद्यालय भवन बन्दै !

भोर्लेटारमा एक दिने स्वास्थ्य सिविर सम्पन्न।

बुद्ध आविमा जुनियर रेडक्रस सर्कल गठन तथा रेडक्रस अभिमुखिकरण सम्पन्न

सामाजिक बुुद्धिमत्ता : सम्बन्धको ‘मेटामफोर्सिस’

शिक्षक : गड पाटिक्ल्स वा पथप्रदर्शक ?

भोर्लेटारमा प्रथम वसन्त स्‍मृति भेटरान्स कप शुरु।


TOP