आज आषाढ पन्ध्र- चन्द्रमणि अधिकारी – Sarangi News

आज आषाढ पन्ध्र

                                    – चन्द्रमणि अधिकारी

खोजेको रत्न पाएँ, पुलकित म भएँ आज साँच्चै करिश्मा

यो हो संयोग चोखो मधुरम विपना झल्किएको उषामा

ताजा सङ्कल्प जागा असल किसिमको प्राप्त गर्दा रमाएँ

राखेको तिर्सना हो शुभ मन सितको चाख नौलो म आएँ ।

 

खाएँ पाएँ मजाको शुभ शकुन यहाँ आज आषाढ पन्ध्र

रोपेको खेत राम्रो छुपुछुपु छ अहा भिन्न खाजा प्रबन्ध

मानो रोप्ने र फल्ला फसल अब मुरी खेतमा लाग्छ पानी

आएको बैँस जस्तै झलमल छ यहाँ स्वस्थ सङ्लो जवानी ।

 

नेपाली कार्यशैली अतिशय रसिलो लाग्छ संस्कार चोखो

पालेको स्वच्छ बानी मन हृदय सफा ज्ञानको नित्य भोको

देख्दा उत्साह जाग्यो मलजल पसिना बाउसे बन्न पर्ला

आए रोपार हुन्थ्यो अब शकुन यहाँ डाक्न के भन्न पर्ला ?

 

हो हो हो हो ह भन्दै सरल किसिमले लाग्छ मेलो बनाए

खेल्दै छन् जो हिलोमा लतपत गहिरो गर्न नाची रुचाए

नेपाली राष्ट्रवादी अघि बढ जनता आज लक्ष्मी उदाऊन्

गर्दाको काम राम्रो विकसित तरिका हुन्छ के त्यो बुझाऊन् ।

 

विद्यार्थी खेत पस्दा चहल पहलमा देखियो दिव्य दृष्टि

खाए खाजा दहीको सङ सङ चिउरा गर्छ आकाश वृष्टि

चाँजो पाँजो मिलाए लहर हल थिए आज गोरू मिलेका

नेपाली आत्म शोभा झिलमिल बहुतै लाग्छ आभा खिलेका ।

                                         तनहुँ, नेपाल

प्रतिक्रिया

सम्बन्धित खवर

ताजा अपडेट
धेरै पढिएको

महाशिवरात्रीको अवसरमा करापुटार धार्मिक तथा साँस्कृतिक महोत्सव फाल्गुण २० देखी २९ सम्म।

मध्यनेपाल नगरपालिकाको १४ औ हिउदे अधिवेसन सम्पन्न, फोटो तथा भिडियोहरु सहित,

भोर्लेटारमा बृहत रक्तदान सम्पन्न ४८ युनिट रगत संकलन।

गोर्खाकालिकाको भलिबलको उपाधि रूपाकोट मुस्लिम समाजलाई

पोखरामा मनाइयो मुक्तक दिवस, उषा शेरचनलाई राष्ट्रिय मुक्तक पुरस्कार दिइने

शुभकामना ईशानेश्वर माविलाई ! (कविता)


TOP