सँझ्या – पाठक र कविको सेतु – Sarangi News

सँझ्या – पाठक र कविको सेतु

हरिहर तिमिल्सिना

कला र कविताका लागि – “सँझ्या साहित्य” पुन: सञ्चालन भएको छ । समावेशी कार्यक्रमको नमूना र तीन पुस्ताका कविका लागि मञ्च बनिरहेको सँझ्या सन् २०१४ को नोवेम्बर (२०७१ मंसिर) बाट शुरु भएको थियो ।
तीन पुस्ताका कविताको उत्खनन् गर्ने र नेपाली कविताका मानक कविको सम्मान, स्थापित कविको प्रचार र नवउदीयमान कविलाई प्रोत्साहन गरी स्थापित गराउने उद्देश्यसहित स्थापित सँझ्या साहित्यले देशका ख्यातिप्राप्त कविदेखि नयाँ पुस्ताका कविको समेत खोज गरिरहेको छ ।

आज मध्यपुर थिमिको शङ्खधर चोकस्थित द बिन्ज एन्ड बाइट्ज क्याफेमा कोभिड र अन्य विविध कार्णले लामो समय स्थगित कार्यक्रम आजबाट शुरुवात भयो । कार्यक्रममा १६ कविका कविता सुन्ने भनिए पनि १८ कविले आआफ्ना कविता सुनाए । सर्वप्रथम नयाँ पुस्ताकी कवि एवम् सञ्चारकर्मी कञ्चन जिआरले आजकल शीर्षकको रुमानी कविता सुनाइन् । अग्रजपुस्ताका कवि कृष्णमोहन जोशीले “समृद्धिको सपना देख्न”, सामना पहाडले “उस्तै रहेछ”, कवि एवम् पत्रकार जीतेन्द्र रसिकले “अक्षरका कथा”, विक्रम पवन परियार्ले “वीर योद्धासँगको प्रेम”, रमी प्रियाले “प्रेमको क्षितिज”, अविनाश भट्टराइले “आगो”, ईश्वर थोकरले “याद”, विष्णुकला राईले “जाभामा कफी” शीर्षक कविता सुनाए ।

त्यस्तै नेपालभाषाका कवि ॐ कृष्ण श्रेष्ठले “पानी”, चर्चित कवि उमेश अकिञ्चन राईले “घामलाई प्रश्न” अनिता महर्जनले “मलाई मार्छौ किन”, शोभा सरभले “इच्छा” हिमाल चन्द्र बरालले “शासकको अन्त्य”, तेजकृष्ण श्रेष्ठले सुसेली कविता सुनाए ।

सँझ्या साहित्यका हरिहर तिमिल्सिनाले एक कविता सुनाए भने अभय श्रेष्ठले तीन कविता सुनाए भने कवि एवम् समालोचक महेश कार्की क्षितिजले एक कविता सुनाए ।

वाचित कवितामाथि कवि एवम् समालोचक कार्कीले समीक्षात्मक टिप्पणी राख्दै अभय श्रेष्ठको कविता र कताकारिताका बारे टिप्पणी गर्दै आउन लागेको कवितासञ्चयन “लहना र तिर” ले नेपाली कवितामा धमाका मच्चाउने र अमिट छाप छोड्ने बताए ।

सँझ्याका अभियन्ता, कवि एवम् पत्रकार रामगोपाल आशुतोषले सँझ्याको शुरुवातीदेखिका क्रियाकलाप र भावी कार्ययोजना प्रस्तुत गर्दै कार्यक्रमका रूपरेखा प्रस्तुत गरे । प्रत्येक महिनाको दोस्रो शनिबार तीन पुस्ताका कविलाई ससम्मान मञ्चमा प्रस्तुत गर्ने बताउँदै खल्तीमा कविता बोकेर आफ्नो सुनाएर खल्तीमा कोचेर लुसुक्क हिँड्ने कविलाई सँझ्या साहित्यले निरुत्साहित गर्ने बताउँदै सँझ्या सबैको साझा भएको र यसले विशुद्ध पाठक र कविताको सेतुको रूपमा काम गर्ने बताए ।

सहआयोजक चाक्ला फल्चा र मिडिया पार्टनरहरू, ग्रेस एफएम १०७.६, भक्तपुर पोष्ट र सारङ्गी न्युज रहेका छन् । सँझ्याका नवीन प्रकाश श्रेष्ठ व्यवस्थापक रहेका छन् ।

प्रतिक्रिया

सम्बन्धित खवर

ताजा अपडेट
धेरै पढिएको

प्रथम वसन्त स्‍मृति कपको उपाधी करापुटार भेटरान्सलाई।

बुद्ध आविमा पाहार ट्रसको स्थलगत अध्ययन, ८ कोठे अत्याधुनिक विद्यालय भवन बन्दै !

भोर्लेटारमा एक दिने स्वास्थ्य सिविर सम्पन्न।

भोर्लेटारमा प्रथम वसन्त स्‍मृति भेटरान्स कप शुरु।

बुद्ध आविमा जुनियर रेडक्रस सर्कल गठन तथा रेडक्रस अभिमुखिकरण सम्पन्न

सामाजिक बुुद्धिमत्ता : सम्बन्धको ‘मेटामफोर्सिस’


TOP