बालकविताः मेरो साथी – Sarangi News

मेरा साथी (बालकविता)

– पुष्पा श्रेष्ठ ( पुसु )

सँगै पढ्‌न लाग्छ मन

साथी  सारै राम्रा छन्

कमिला खुसी ताँतीमा

म खुसी मेरै साथीमा

सबैले माया गर्छन् धेरै

मख्ख पर्छु म त्यो हेरेरै

आऊ साथी स्कुल जाऔँ

पढौं, लेखौँ, नाचौँ, गाऔँ

कत्ति पनि अल्छी नबनौँ

स्कुल जान्न भन्दै नभनौँ

पढ्नलाई अब गरौँ सुरू

राम्रा हाम्रा साथी र गुरु

विद्यालय सँगै आउने है

ती राम्रा नाना  लाउने है

खाउँला खाजा  साटेर

आउँला कपाल बाटेर

डाँडैमाथिको घाम राम्रो

पढ्ने, लेख्ने काम राम्रो

अब रुने छैनौँ कहिल्यै

हाँसी राख्ने छौँ जहिल्यै ।

———————

        – रूपा गाउँपालिका-७, दाङ्सिमराङ, कास्की

 

प्रतिक्रिया

सम्बन्धित खवर

ताजा अपडेट
धेरै पढिएको

महाशिवरात्रीको अवसरमा करापुटार धार्मिक तथा साँस्कृतिक महोत्सव फाल्गुण २० देखी २९ सम्म।

मध्यनेपाल नगरपालिकाको १४ औ हिउदे अधिवेसन सम्पन्न, फोटो तथा भिडियोहरु सहित,

भोर्लेटारमा बृहत रक्तदान सम्पन्न ४८ युनिट रगत संकलन।

गोर्खाकालिकाको भलिबलको उपाधि रूपाकोट मुस्लिम समाजलाई

पोखरामा मनाइयो मुक्तक दिवस, उषा शेरचनलाई राष्ट्रिय मुक्तक पुरस्कार दिइने

शुभकामना ईशानेश्वर माविलाई ! (कविता)


TOP