विश्वशान्ति माविको ५८ औँ वार्षिकोत्सव – Sarangi News

पोखरा । रूपा-५, देउरालीको ५८ औँ वार्षिकोत्सव तथा अभिभावक दिवस सोमबार सम्पन्न भएको छ ।

विद्यालय व्यवस्थापन समितिका अध्यक्ष हस्तकुमार श्रेष्ठको अध्यक्षतामा भएको कार्यक्रममा रूपा गाउँपालिकाका अध्यक्ष नवराज ओझाले रूपा गाउँपालिकाले आन्तरिक आम्दानीको ५० प्रतिशतभन्दा बढी बजेट शिक्षाका क्षेत्रमा विनियोजन गरेको जानकारी दिए । सामुदायिक विद्यालयमा विद्यार्थी सङ्ख्या घट्यो भनेर चिन्ता गर्नुभन्दा भएकालाई गुणस्तरीय शिक्षा दिनुपर्नेमा ओझाको जोड थियो । उनले देशको शिक्षा नीति नै अप्ठ्यारो खालको भएको भन्दै विद्यालय सञ्चालन गर्ने स्विकृति दिने तर दरबन्दी नदिने नीतिलाई सुधार गर्नुपर्ने बताए ।

विद्यालयका प्रधानाध्यापक बुद्धिसागर अधिकारीले वार्षिक प्रगति प्रतिवेदन प्रस्तुत गर्दै विद्यालयले प्रशस्त असल अभ्यासहरू गरिरहेको जनाए । गण्डकी प्रदेशकै पहिलो स्मार्ट विद्यालयका रूपमा रहेको विश्वशान्तिलाई व्यावहारिक रूपमै प्रविधिमैत्री बनाउनका लागि विद्यालय लागिपरेको अधिकारीले बताए । भौतिक र शैक्षिक दुवैको सुधार गर्दै चुस्तदुरुस्त प्रशासनिक सेवा सञ्चालनमा विद्यालय अघि बढेको उनको भनाइ थियो । विद्यालयका भावी रणनीति र चुनौतिबारे प्रकाश पार्दै उनले प्राविधिक धार र विद्यालयको बससेवालाई निरन्तरता दिन कठिन भएको सुनाए ।

रूपा गाउँपालिका, वडा नम्बर २ का अध्यक्ष राजन सुवेदीले गुणस्तरीय शैक्षिक जनशक्ति उत्पादनका लागि जनप्रतिनिधिहरू गम्भीर भएर लाग्नुपर्नेमा जोड दिए । राजनीतिलाई पेसा होइन समाजसेवासँग जोड्नुपर्ने बताउँदै सुवेदीले विद्यालयका ५० जना विद्यार्थीलाई विद्यालय पोशाक प्रदान गर्ने घोषणा गरे ।

कार्यक्रममा रूपा गाउँपालिका, वडा नम्बर ५ का अध्यक्ष राजन खनालले विद्यालयका समस्याहरूको समाधान गर्न वडा सरकार सधैँ तयार रहेको बताए । सोही अवसरमा विद्यालयमा लामो सेवा गरेका काशीराम घिमिरे र कार्यालय सहयोगी शिव बराललाई सम्मान गरिएको थियो । कार्यक्रममा आजीवन सदस्य बनेकी शिक्षिका मञ्जू गुरुङलाई पनि सम्मान गरिएको थियो ।

कार्यक्रममा पूर्व प्रअद्वय महेन्द्रकुमार श्रेष्ठ र रामलाल श्रेष्ठ, पूर्व अध्यक्ष दामोदर घिमिरे, नेपाल टेलिकम, पोखराका निर्देशक इन्दल यादव, प्रशासकीय अधिकृत महेन्द्र रिमाल, छिमेकी विद्यालयका तर्फबाट शिवालय माविका प्रअ रुपिन्द्र प्रभावी, शिक्षा शाखाका प्रास बृहस्पति अधिकारी, लायन्स क्लब अफ पोखरा फिस्टेलका पूर्व अध्यक्ष  पुरनकुमार श्रेष्ठ, विद्यार्थी क्रान्ति सुनारलगायतले शुभकामना दिएका थिए ।

सहायक प्रअ लेलिन घिमिरेको सञ्चालनमा भएको कार्यक्रममा शिक्षक दीपक सुवेदीले स्वागत गरेका थिए । विभिन्न व्यक्ति तथा संस्थाहरूद्वारा स्थापित अक्षयकोषबाट छात्रवृत्तिसमेत वितरण गरिएको कार्यक्रममा विद्यार्थीहरूले सांस्कृतिक कार्यक्रम प्रस्तुत गरेका थिए ।

प्रतिक्रिया

सम्बन्धित खवर

ताजा अपडेट
धेरै पढिएको

महाशिवरात्रीको अवसरमा करापुटार धार्मिक तथा साँस्कृतिक महोत्सव फाल्गुण २० देखी २९ सम्म।

मध्यनेपाल नगरपालिकाको १४ औ हिउदे अधिवेसन सम्पन्न, फोटो तथा भिडियोहरु सहित,

भोर्लेटारमा बृहत रक्तदान सम्पन्न ४८ युनिट रगत संकलन।

गोर्खाकालिकाको भलिबलको उपाधि रूपाकोट मुस्लिम समाजलाई

पोखरामा मनाइयो मुक्तक दिवस, उषा शेरचनलाई राष्ट्रिय मुक्तक पुरस्कार दिइने

शुभकामना ईशानेश्वर माविलाई ! (कविता)


TOP