रूपाको प्रतिभा पहिचानमा विद्यार्थीतर्फ दुवैमा शिवालय प्रथम – Sarangi News

पोखरा । रूपा गाउँपालिकाले आयोजना गरेको शिक्षक तथा विद्यार्थी प्रतिभा पहिचान कार्यक्रममा शिवालय माविले विद्यार्थीतर्फका दुवै विधामा प्रथम स्थान हासिल गरेको छ ।

पुस १६ र १७ गरी २ दिनसम्म सञ्चालित शिक्षक र विद्यार्थीहरूबिच छुट्टाछुट्टै आयोजना गरिएको नृत्य र वक्तृत्वकला प्रतियोगितामा विद्यार्थीतर्फ दुवैमा रूपा-२, थुम्कीस्थित शिवालयले प्रथम स्थान हात पारेको हो । नृत्यतर्फ शिवालयका करुणा ओझा र मुस्कान विकको समूह तथा वक्तृत्वकलातर्फ विदुर अधिकारी प्रथम भएका हुन् । विजेता बनेसँगै उनीहरूले पुस २० गते हुने कास्की जिल्लास्तरीय प्रतिभा पहिचान कार्यक्रममा सहभागी हुने अवसर पाएका छन् । शिक्षक वक्तृत्वकलामा पनि शिवालयकै जयराज उपाध्याय तृतीय भएका छन् ।

शिक्षकको नृत्यतर्फ भने शारदा आविका शशी गुरुङ र होमकुमारी राना प्रथम भएका छन् । यस्तै शिक्षकको वक्तृत्वकलातर्फ विश्वशान्ति माविका राजु कुमाल प्रथम भएका छन् । विद्यार्थी नृत्यतर्फ विश्वशान्ति मावि र जनता मावि क्रमशः द्वितीय र तृतीय भए भने शिक्षक नृत्यतर्फ विश्वशान्ति मावि र कालिका मावि क्रमशः द्वितीय र तृतीय भएका छन् । यस्तै शिक्षक वक्तृत्वकलातर्फ जनता माविकी सुनीता अधिकारी द्वितीय भइन् । विद्यार्थी वक्तृत्वकलातर्फ भने विश्वशान्ति माविका मनिष श्रेष्ठ र रूपाज्योति माविकी कृपा सुवेदी क्रमशः द्वितीय र तृतीय भए ।

नृत्यतर्फ नृत्य निर्देशक राहुल थापा र अन्जू बुढा मगर तथा वक्तृत्वकलातर्फ साहित्यकार सहप्राध्यापक डा. ईश्वरमणि अधिकारी र लालमणि पोखरेल निर्णायक रहेका थिए । विजेताहरूलाई गाउँपालिकाकी उपाध्यक्ष लालसुब्बा गुरुङ, प्रमुख प्रशासकीय अधिकृत चिरञ्जीवी बराल, प्रशासकीय अधिकृत लोकनाथ पौडेल, शिक्षा शाखा प्रमुख सन्दिप पौडेल, कार्यक्रम संयोजक बृहस्पति अधिकारीलगायतले नगद पुरस्कार तथा प्रमाणपत्र वितरण गरेका थिए ।

 

प्रतिक्रिया

सम्बन्धित खवर

ताजा अपडेट
धेरै पढिएको

महाशिवरात्रीको अवसरमा करापुटार धार्मिक तथा साँस्कृतिक महोत्सव फाल्गुण २० देखी २९ सम्म।

मध्यनेपाल नगरपालिकाको १४ औ हिउदे अधिवेसन सम्पन्न, फोटो तथा भिडियोहरु सहित,

भोर्लेटारमा बृहत रक्तदान सम्पन्न ४८ युनिट रगत संकलन।

गोर्खाकालिकाको भलिबलको उपाधि रूपाकोट मुस्लिम समाजलाई

पोखरामा मनाइयो मुक्तक दिवस, उषा शेरचनलाई राष्ट्रिय मुक्तक पुरस्कार दिइने

शुभकामना ईशानेश्वर माविलाई ! (कविता)


TOP