शुभकामना ईशानेश्वर माविलाई ! (कविता) – Sarangi News

कविताः शुभकामना ईशानेश्वर माविलाई ! 

       –  जनकराज  पौडेल

आज अतीतका याद सीमा तोडेर आउँछन्

झोला बोकेर दौडेका वर्ष सात उदाउँछन्

नरेन्द्रबाबु  कक्षामा अनुपस्थित् भइदिँदा

पढ्थेँ एक्लै म कक्षामा जब कक्षा छ मा हुँदा

खेपी ढुङ्गा तथा काठ घर निर्माण भो ठूलो

अङ्ग प्रत्यङ्गमा  रम्थ्यो पुर्खाको पाउको धुलो ।

तीस बर्ष बिताएथेँ त्यहीँ  शिक्षक  भैकन

बिर्सूँ भन्छु झनै याद खेपी ल्याउँछ यो मन ।

निम्तो मलाई चाहिन्न स्वास्थ्यले असमर्थ छु

सबै मेरा सबै आफ्नै  यसैमा गर्व गर्दछु ।

साठीयौं जन्मको उत्सव भव्य बन्दैछ यो घरी

ईशानेश्वरले बालोस् ज्ञान दीप सधैँभरि ।


लमजुङ (हालः भरतपुर, चितवन)

(ईशानेश्वर माध्यमिक विद्यालय मध्यनेपाल नगरपालिका वडा नं‍. ६ भोर्लेटार, लमजुङको साठीऔँ वार्षिकोत्सवका अवसरमा पूर्व शिक्षकका नाताले  मिति २०८०/०९/२७ मा दिइएको कवितात्मक शुभकामना जसलाई उहाँका गुरुपुत्र, प्रिय शिष्य एवम् विद्यालयका शिक्षक रमेशचन्द्र घिमिरेले वाचन गर्नुभएको थियो ।)

प्रतिक्रिया

सम्बन्धित खवर

ताजा अपडेट
धेरै पढिएको

महाशिवरात्रीको अवसरमा करापुटार धार्मिक तथा साँस्कृतिक महोत्सव फाल्गुण २० देखी २९ सम्म।

मध्यनेपाल नगरपालिकाको १४ औ हिउदे अधिवेसन सम्पन्न, फोटो तथा भिडियोहरु सहित,

भोर्लेटारमा बृहत रक्तदान सम्पन्न ४८ युनिट रगत संकलन।

गोर्खाकालिकाको भलिबलको उपाधि रूपाकोट मुस्लिम समाजलाई

पोखरामा मनाइयो मुक्तक दिवस, उषा शेरचनलाई राष्ट्रिय मुक्तक पुरस्कार दिइने

शुभकामना ईशानेश्वर माविलाई ! (कविता)


TOP