जनप्रियको हाजिरीजबाफमा बालमन्दिर पहिलो – Sarangi News

पोखरा । पोखरा महानगरपालिका वडा नं. ८ सिमलचौरस्थित जनप्रिय माविमा पोखरा महानगरभित्रका क्लस्टर सामुदायिक विद्यालय  स्तरीय हाजिरीजबाफ प्रतियोगिता शुक्रवार सम्पन्न भएको छ ।

विद्यालयकको ५५औं वर्षिकोत्सव, अभिभावक दिवस तथा पुरस्कार वितरण समारोह २०८०  को पूर्व सन्ध्यामा आज हाजिरी जवाफ कार्यक्रम सम्पन्न गरेको हो । पोखरा महानगरपालिकाभित्रका क्लस्टर विद्यालयहरूको सहभागितामा भएको हाजिरी जवाफ प्रतियोगितामा बालमन्दिर मावि प्रथम, छोरेपाटन मावि द्वितीय र जनप्रिय माविले तृतीय स्थान प्राप्त गरेका थिए । विजेतालाई विद्यालयको वार्षिकोत्सव कार्यक्रम माघ १० गते नगद र प्रमाणपत्र वितरण गरिने विद्यालयका शिक्षक श्रीकान्त पौडेलले जानकारी दिए ।

कार्यक्रम सूचना प्रविधिको प्रयोग गरी विभिन्न चरणमा भएको थियो । कार्यक्रमको उद्‍घाटन गर्दै विद्यालय व्यवस्थापन समितिका अध्यक्ष परशुराम बरालले क्लस्टरको कार्यक्रम जनप्रिय माविले गर्ने अवसर पाएकोमा खुसी व्यक्त गरे । उनले यस्ता कार्यक्रमहरू आन्तरिक तथा  खुला रूपमा अन्तरविद्यालयलाई समेत समावेश गरी गर्नुले प्रतियोगी एवम् अप्रतियोगी दुवैलाई राम्रो सिकाइ  हुने विश्वास व्यक्त गरे । कार्यक्रममा सहभागी सबैलाई शिवशक्ति मावि, पोखरा- ११ फूलबारीका प्रअ शम्भु बास्तोलाले शुभकामना दिएका थिए । कार्यक्रम संयोजक कृष्णबहादुर भट्टराईको अध्यक्षतामा भएको कार्यक्रममा विद्यालयका प्रअ देवीप्रसाद बस्ताकोटीले स्वागत गरेका थिए । प्राविधिक सहयोगमा ज्ञानेश्वर ढुंगाना, रामकुमार अधिकारी, वासुदेव तिम्सिना, वामन चालिसे, नितु पौडेल, सरस्वती पौडेलले गरेका थिए । क्विज मास्टरको भूमिकामा शिक्षक श्रीकान्त पौडेल रहेका थिए । विद्यालयले यही माघ १० गते विद्यालयको वार्षिकोत्सव मनाउने तयारी गर्दै विविध अतिरिक्त क्रियकलापअन्तर्गत छात्र भलिबल, छात्रा भलिबल, बास्केट बल, ब्याडमिन्टन छात्र छात्रा लगाएत का कार्यक्रमहरु सञ्चालन गरिरहेको छ भने माघ १० गते बिहान ८ बजेदेखि जुनियर युवा रेडक्रस सर्कल जनप्रियले खुला रक्तदान कार्यक्रम विगत वर्षहरू झैँ आयोजना गरेको जनाएको छ।

प्रतिक्रिया

सम्बन्धित खवर

ताजा अपडेट
धेरै पढिएको

महाशिवरात्रीको अवसरमा करापुटार धार्मिक तथा साँस्कृतिक महोत्सव फाल्गुण २० देखी २९ सम्म।

मध्यनेपाल नगरपालिकाको १४ औ हिउदे अधिवेसन सम्पन्न, फोटो तथा भिडियोहरु सहित,

भोर्लेटारमा बृहत रक्तदान सम्पन्न ४८ युनिट रगत संकलन।

गोर्खाकालिकाको भलिबलको उपाधि रूपाकोट मुस्लिम समाजलाई

पोखरामा मनाइयो मुक्तक दिवस, उषा शेरचनलाई राष्ट्रिय मुक्तक पुरस्कार दिइने

शुभकामना ईशानेश्वर माविलाई ! (कविता)


TOP