गोर्खाकालिकाको भलिबलको उपाधि रूपाकोट मुस्लिम समाजलाई – Sarangi News

पोखरा । रूपा-४, ठकुरीबस्ती, कास्कीमा क्रियाशील गोर्खाकालिका क्लबले आफ्नो १९ औँ वार्षिकोत्सवका अवसरमा बुधवार सम्पन्न साविक वडास्तरीय पुरुष भलिबल प्रतियोगिताको उपाधि रूपाकोट मुस्लिम समाज, रूपा-६ ले जितेको छ ।

मुस्लिम समाजले ठकुरी समाज, तनहुँलाई २५-२०, २५-१९ र २५ -२२ को सोझो सेटमा पराजित गर्दै ५० हजार रुपियाँ नगदसहित ट्रफी, मेडल र प्रमाणपत्र हात पारेको छ । उपविजेता ठकुरी समाजले ३० हजार नगद प्राप्त गरेको थियो ।

माघ १४ देखि सञ्चालित प्रतियोगिताको उद्‍घाटन रूपा गाउँपालिका, वडा नम्बर २ का वडा अध्यक्ष राजन सुवेदीले गरेका थिए । उद्‍घाटन समारोहका प्रमुख अतिथि रहेका सुवेदीले एक मुठी सास रहुन्जेल जनताको साथमा रहने प्रतिबद्धता जनाए । वडा नम्बर ४ मा रहेको खानेपानी, बाटो तथा खेलमैदानको समस्या समाधानका लागि स्थानीय, प्रदेश वा सङ्घ सरकारबाट सहयोग जुटाउने प्रयासमा लाग्ने बताउँदै उनले मानिस कुराले नभई कामले नेता हुने बताए । उनले कामलाई प्राथमिकतामा राख्ने मानिसलाई साथ दिनसमेत जनतासँग आग्रह गरे ।

क्लबका अध्यक्ष होमबहादुर ठकुरीको अध्यक्षतामा भएको कार्यक्रममा वडा नम्बर ४ का वडा अध्यक्ष मुकुन्द सेन वंशी, स्थानीय राजबहादुर शाहीलगायतले शुभकामना दिएका थिए । कार्यक्रमको सञ्चालन सचिव मदन मल्लले गरेका थिए ।

जम्मा १७ टिमको सहभागिता रहेको प्रतियोगितामा ठकुरी समाजका आशिष मिया उत्कृष्ट स्पाइकर र पराशर मल्ल ठकुरी उत्कृष्ट सेटर,  मुस्लिम समाजका मन्जुर मिया उत्कृष्ट ब्लकर, भुपाल गुरुङ उत्कृष्ट लिब्रो, बिजन गुरुङ उत्कृष्ट सर्भर र मन्सुर मिया उत्कृष्ट खेलाडी घोषित भए ।

प्रतियोगिताको सहआयोजकमा दर्शन आमा समूह, शिखर सामुदायिक वन उपभोक्ता समूह, कालिनाग खानेपानी उपभोक्ता समिति रहेका थिए भने उत्कृष्ट विधाहरूमा रोजिना ठकुरी, कृसन ठकुरी, मिलन सेन, सुरेन श्रेष्ठ, आश्विन ठकुरी र सविन श्रेष्ठले पुरस्कार प्रायोजन गरेका थिए ।

भूतपूर्व खेलाडी, समाजसेवी तथा सहयोगीलाई सम्मान गरिएको सो अवसरमा सम्पन्न घैटो फोर प्रतियोगितामा आशिक शाही र छेलो हान्ने खेलमा मन्जुर रहमान मिया विजयी भएका थिए ।

प्रतिक्रिया

सम्बन्धित खवर

ताजा अपडेट
धेरै पढिएको

महाशिवरात्रीको अवसरमा करापुटार धार्मिक तथा साँस्कृतिक महोत्सव फाल्गुण २० देखी २९ सम्म।

मध्यनेपाल नगरपालिकाको १४ औ हिउदे अधिवेसन सम्पन्न, फोटो तथा भिडियोहरु सहित,

भोर्लेटारमा बृहत रक्तदान सम्पन्न ४८ युनिट रगत संकलन।

गोर्खाकालिकाको भलिबलको उपाधि रूपाकोट मुस्लिम समाजलाई

पोखरामा मनाइयो मुक्तक दिवस, उषा शेरचनलाई राष्ट्रिय मुक्तक पुरस्कार दिइने

शुभकामना ईशानेश्वर माविलाई ! (कविता)


TOP