सुन्दर अनुहारका लागि सेल्फी खतरा, यति सम्म हुँदाेरहेछ – Sarangi News

सेल्फीको चलन तीब्र रुपमा बढिरहेको छ । मानिस हरेक वर्ष औसतमा ४५० वटा सेल्फी लिइरहेका छन् तर एक अनुसन्धानका अनुसार यस्तो गर्दा फोटोमा अनुहार बिग्रन सक्छ । युनिभर्सिटी अफ टेक्सास साउथवेस्टर्न मेडिकल सेन्टरका अनुसन्धाताले बताए अनुसार सेल्फीले तपाईंको अनुहार बिगारिदिन्छ जसले तपाईंको नाम सामान्य तस्बिरको तुलनामा लामो र चौडा देखाउँछ ।

बेलायतमा नाकको शल्यक्रिया, जसलाई राइनोप्लास्टी पनि भनिन्छ, कस्मेटिक सर्जरीमा सबैभन्दा बढी लोकप्रिय छ । अनुसन्धाताका अनुसार सेल्फीको लोकप्रियताका बीच राइनोप्लास्टी गराउनेको संख्या बढेको छ ।

सेल्फीमा अनुहार बिग्रिएको देख्छन् र शल्यक्रिया गर्न जान्छन्ः

शोधमा समूहलाई नेतृत्व गर्ने डा. बर्दिया अमिरलाकले भने, ‘सेल्फीको शौख र राइनोप्लास्टीबीच विशेष सम्बन्ध छ । जब सेल्फीमा मानिसको अनुहार खराब देखिन्छ तब उनीहरु शल्यक्रिया गराउन पुग्छन् । ’

अनुसन्धानमा समावेश ३० सहभागीले सेल्फीले अनुहारलाई कसरी प्रभावित गर्छ भन्नेबारे जान्ने कोसिस गरे । सहभागीले ३ मध्ये दुई सेल्फी १२ र १८ इन्चको दुरीमा फ्रन्ट क्यामराले खिचियो र एउटा सेल्फी ५ फिटको दुरीमा एउटा डिजिटल क्यामराबाट खिचियो । यी तीनै फोटो एकैपटक खिचियो ।

सेल्फीले स्वास्थ्यमा असर पार्नेः

डिजिटल क्यामराबाट लिइएको फोटोको तुलनामा १२ इन्चको दुरीबाट खिचिएको सेल्फीमा नाक ६.४ प्रतिशत लामो र १८ इन्चको दुरीबाट खिचिएको सेल्फीमा ४.३ प्रतिशत लामो देखियो । १२ इन्चको दुरीबाट खिचिएको सेल्फीमा चिउँडोको लम्बाई पनि औसत १२ प्रतिशत कम पाइयो । यसमा नाक र चिउँडोको लम्बाईको अनुपातमा १७ प्रतिशतको वृद्धि भयो । अनुसन्धाताले सेल्फीमा अनुहार खराब देखिँदा मानसिक स्वास्थ्यमा पनि नकारात्मक प्रभाव पर्ने बताएका छन् ।

प्रतिक्रिया

सम्बन्धित खवर

ताजा अपडेट
धेरै पढिएको

महाशिवरात्रीको अवसरमा करापुटार धार्मिक तथा साँस्कृतिक महोत्सव फाल्गुण २० देखी २९ सम्म।

मध्यनेपाल नगरपालिकाको १४ औ हिउदे अधिवेसन सम्पन्न, फोटो तथा भिडियोहरु सहित,

भोर्लेटारमा बृहत रक्तदान सम्पन्न ४८ युनिट रगत संकलन।

गोर्खाकालिकाको भलिबलको उपाधि रूपाकोट मुस्लिम समाजलाई

पोखरामा मनाइयो मुक्तक दिवस, उषा शेरचनलाई राष्ट्रिय मुक्तक पुरस्कार दिइने

शुभकामना ईशानेश्वर माविलाई ! (कविता)


TOP