खुत्रुके (बालकविता)
तेजप्रसाद खनाल
थोरै थोरै रुपियाँ जम्मा गर्छु खुत्रुकेमा
फाल्तु पैसा खर्च गर्दैन मनपरि जेमा।
टीका लगाई पाएको रुपियाँ राख्छु खुत्रुकेभित्र
तिमी पनि मैले जस्तै गर है मेरा मित्र।
जीवन सधैँभरि एकनास हुदैन है जान
दिनमा दस रुपियाँ भए नि जम्मा गर मान।
यसपालि खुत्रुके मेरो सानो साइजको परेछ
दुई महिना नपुग्दै हेर साथी ! भरेछ।
अर्को पालि मैले ठूलो खुत्रुके किन्छु
धेरै रुपियाँ जम्मा गरि मज्जासँग गिन्छु।
बुझौँ हामी सबैले पछिको भविष्य पनि
हुदैन है हामी अहिले मात्र सुकिलो बनी।
आजभोलि धेरैले फजुल खर्च गर्छन्
खुत्रुके नभरेर खै किन भुँडीमात्र भर्छन् ।
म भर्ने गरेको छु खुत्रुकेमा रुपियाँ
खोज्छ रुपियाँ फड्किन झैँ गरि उपिया ।
यसपालिको दशैँ तिहारमा धेरै रुपैयाँ पाइन्छ
जम्मा गर्न रुपियाँ ठूलो खुत्रुके चाहिन्छ ।
*****************************
लमही दाङ
लेखकको फेसबुक एकाउन्ट हेर्न यसमा थिच्नुहोस् ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
