![](https://saranginews.com.np/wp-content/uploads/2022/05/280768117_1179738579233716_4666100671118832688_n-rotated.jpg)
भोर्लेटार । लमजुङको मध्यनेपाल नगरपालिकाको वडा नम्बर ९ को मतगणना त्रुटिपूर्ण भएको भन्दै नेकपा (एमाले) ले पुनः मतगणनाको माग गरेपछि गणना कार्य स्थगित भएको छ ।
नेकपा (एमाले) का तर्फबाट मेयर पदका उम्मेद्वार राजकुमार श्रेष्ठ र उपप्रमुख पदकी उम्मेद्वार सीता गुरुङले कल्याण मावि, बाङ्ग्रेबेसी र बालज्योति मावि, खलकछाप केन्द्रको मत पुनः मतगणनाका लागि संयुक्त रूपमा निर्वाचन अधिकृत दुर्गाप्रसाद भुर्तेलसमक्ष निवेदन दिएका थिए । निर्वाचन अधिकृत भुर्तेलले निवेदन दर्ता गरेका छन् । अब कसरी अघि बढ्ने भन्ने विषयमा कुनै जानकारी दिइएको छैन ।
![](https://saranginews.com.np/wp-content/uploads/2024/07/IMG-20240701-WA0000-220x300.jpg)
![](https://saranginews.com.np/wp-content/uploads/2024/07/IMG_20240701_170024-257x300.jpg)
![](https://saranginews.com.np/wp-content/uploads/2024/07/IMG_20240701_170014-240x300.jpg)
![](https://saranginews.com.np/wp-content/uploads/2024/06/IMG-20240630-WA0000-300x214.jpg)
निर्वाचन अधिकृतको कार्यालयले नेपाली काङ्ग्रेसका महेश पाण्डे ७ मतको अन्तरले वडाध्यक्ष पदमा विजय भएको घोषणा गरेको थियो । पाण्डेले ५१७ मत ल्याउँदा उनका निकटम प्रतिस्पर्धी नेकपा एमालेका लक्ष्मण कुँवरले ५१० मत ल्याएका थिए । ११ ओटा सदर मतलाई पनि बदर गरिएको एमाले पक्षको आरोप छ ।
यसअघि मध्यनेपालको वडा नम्बर १ मा नेकपा एमालेका सुदिप थापासहितको प्यानल र १० मा नेपाली काङ्ग्रेसका रामचन्द्र भण्डारीसहितको प्यानल निर्वाचित भएका थिए । हाल वडा नम्बर २ र ९ को मतगणना भएकोमा ९ को अन्तिम नतिजा घोषणा भएको अवस्थामा पुनः गणनाको माग गरिएको हो । वडा नम्बर २ को अन्तिम नतिजा घोषणाको अन्तिम तयारी रहेको स्रोतले बताएको छ ।
यसअघि पनि प्रतिनिधिहरूको विषयलाई लिएर गणना कार्य करिब १ घन्टा स्थगित भएको थियो ।