हजुरबाको चस्मा : बालकविता

– दुर्गा घिमिरे

गुच्चा देख्नेआलु जत्रो हजुरबाको चस्मा

भनिदेऊ साथीहरू के रहेछ यसमा ?

दराज देखेँ धेरै अग्लो घर कति ठुलो

नहर जत्रो देखियो है हाम्रो सानो कुलो

भोक लागी अम्बा माग्दा देखेँ मैले फर्सी

चस्मा लगाई हिँडेको त जे देखे नी तर्सी

सानो पाठा ठुलो भयो पढ्ने टेबुल खाट

हजुरबाको चस्माले बढायो है मेरो आँट

नलगाऊ नलगाऊ हजुरबाको चस्मा

हानि गर्ने चिज हुन्छ टाढा हेर्दा यसमा

साग सब्जी खाएर जोगाउनु छ ज्योति

ज्ञानी बन बाबू तिमि धर्तीको मोती ।

बाल साहित्य बालकविता बालसाहित्य

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।