मन्दिर मेरो पुस्तकालयः बालकविता – Sarangi News

मन्दिर मेरो पुस्तकालय (बालकविता)

        – शान्ता पन्थी ‘शान्तिदीप’

जब भयो  बिदा

खुसीले म उफ्रिँदा ।

मेरी आमा हाँस्नु भो

बाबासँग भन्नु भो ।

पुस्तक किन्न जाऊँ न

राम्रा राम्रा ल्याऊँ न ।

पुस्तकहरू ल्याउनु भो

सबै मलाई दिनु भो ।

केही पुस्तक अङ्ग्रेजी

केही त रै’छन् नेपाली  ।

फटाफट ती मिलाएँ

पुस्तकालय सजाएँ ।

काठै काठको त्यो घर

सजाउँदा त सुन्दर ।

कस्तो आँखा तान्ने

पढ्न रहर जाग्ने ।

थरीथरी किताब

गर्न थालेँ हिसाब ।

आज पढ्छु कथा

भोलि भन्छु कविता ।

जब थालेँ पढ्न

सिकेँ अगि बढ्न ।

बिदा भयो रमाइलो

पाठ पढ्दा घमाइलो ।

पाएँ  ज्ञान अति

बाढेँ  बुझे जति ।

भन्ने गर्छु देवालय

 पुजौँ पुस्तकालय ।

—————————-

      कीर्तिपुर,काठमाडौं

प्रतिक्रिया

सम्बन्धित खवर

ताजा अपडेट
धेरै पढिएको

धम्पु दुराले ठाडो भाका जग्गा किन्ने प्रतिवद्दता गर्यो शिवरात्रीमा

हिमाली आवसीय माविले बार्षिकोत्सव मौलिक भेषभुषा प्रदर्शनी तथा साँस्कृतीक कार्यक्रम सहित सम्पन्न।

कालिकामा एसइईको तयारीमा रहेका विद्यार्थीलाई बिदाइ तथा शुभकामना

विद्यालयमा पठन संस्कृति : अवस्था, चुनौतीहरू र समाधान

 शान्ति आधारभूत विद्यालयको ६८ औँ वार्षिकोत्सव

वैदेशिक रोजगारीले सिर्जना गरेका सामाजिक सङ्कटका कथामाथि पोखरामा बहस


TOP