लमजुङ । मध्य नेपाल नगरपालिकामा एमाले जीत निश्चित भएको मेयरका उम्मेद्‍वार राजकुमार श्रेष्ठले बताएका छन् ।

वैशाख ३० गते हुने स्थानीय तहको निर्वाचनका लागि दौड धुप गरिरहेका मेयरका उमेद्‍वार राजकुमार श्रेष्ठसँगै उपमेयरकी उम्मेद्‍वार सीता गुरुङले पनि आफ्नो जीत सुनिश्चित भएको दाबी गरेकी छिन् । निवर्तमान उपमेयर रहेका श्रेष्ठले ५ वर्षे कार्यकालमा आफ्नो पहलले पाएको सार्थकताले पनि जनताको विश्वास जित्ने भनाइ राखे । मत माग्दै घरदैलोमा गएका उम्मेद्‍वारहरूले १० वटै वडामा जित्ने दाबी गरेका छन् ।

जनताको चाहनाअनुसार शिक्षा, स्वास्थ्यलगायतका सम्पूर्ण विकासका परियोजनाहरूलाई मूर्त रुप दिँदै जनताको मुहारमा खुशी ल्याउने उम्मेद्‍वारहरूले प्रतिबद्धता व्यक्त गरेका छन् ।