भोर्लेटार । लमजुङको मध्यनेपाल नगरपालिकामा मतगणना सुरु भएको छ । वडा नम्बर १ र १० को गणना एक साथ सुरु भएको हो । त्यसपछि क्रमशः वडा नम्बर २ र ९ को गणना गर्ने सहमति भएको छ ।

सर्वदलीय बैठकले सहमति गरेअनुसार बिहान ८ बजेबाट मतगणना सुरु हुने भनिए पनि करिब डेढ घन्टा ढिलो गरी मतगणना सुरु गरिएको छ ।

वैशाख ३० गते सम्पन्न निर्वाचनमा मध्यनेपाल नगरपालिकाका १० ओटै वडामा गरी जम्मा मतदाता सङ्ख्या २० हजार ९२ मध्ये १३ हजार ७५१ अर्थात् ६८.४४ प्रतिशत मत खसेको थियो ।