बेनी । बेनी नगरपालिका सहित म्याग्दीका पाँच स्थानीय तहमा मतगणना सुरु भएको छ । जिल्लाको एकमात्र बेनी नगरपालिकामा भर्खर मतगणना सुरु भएको छ । आज विहान सर्वदलीय वैठक बसेपछि जिल्ला समन्वय समतिको सभाहलमा वडा नम्बर १ रत्नेचौरबाट मतणना थालिएको मुख्य निर्वाचन अधिकृत तेजनारायण पौडेलले जानकारी दिनुभयो ।
यस्तै जिल्लाका मंगला,मालिका,रघुगंगा र अन्नपूर्ण गाउँपालिकामा मतगणना सुरु भएको छ । यता धौलागिरि गाउँपालिकामा भने वडा नम्बर १ गुर्जाको मतपेटिका पदैल मार्गबाट साँझ सम्म मात्र निर्वाचन अधिकृतको कार्यालय मुनामा ल्याइने जानकारी प्राप्त भएको छ ।
शुक्रबार सम्पन्न स्थानीय तहको निर्वाचनमा जिल्लाभर ८५ हजार ३ सय ७५ जना मतदाता रहेकोमा ५६ हजार ५८३ जनाले मात्र मतदान गरेका छन् । कुल मतदाताको ६६ दशमलव २३ प्रतिशत मत खसेको छ । जसमा महिला ३० हजार ३२ रहेका छन् भने पुरुष २६ हजार ५१० जना रहेका छन् ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
