प्रकाश अधिकारी

जैमिनी । जैमिनी नगरपालिकामा गठबन्धनको उमेदवारहरुले भारी मतको अग्रता लिएका छन् ।

एक हजार मत गणना हुँदा गठबन्धनको तर्फबाट मेयर पदका उमेदवार राष्ट्रिय जनमोर्चाका नर बहादुर पुनले ७ सय ७९ मत प्राप्त गरेका छन् भने उनका प्रतिद्वन्द्वी नेकपा एमालेका लिला रानाले १ सय ७१ मत प्राप्त गरेका छन् ।

त्यस्तै उप प्रमुखमा नेपाली काँग्रेसका हरिहर शर्माले अग्रता लिएका छन् । शर्माले ६ सय ९७ मत प्राप्त गरेका छन् भने उनका प्रतिद्वन्द्वी उषा पौडेलले १ सय ५७ मत प्राप्त गरेका छिन् ।
राप्रपाको चिना केसीले १ मत पाएर खाता खोलेकी छिन् ।

अहिले वडा न.१० राङखानीबाट मतगणना भईरहेको छ ।
गठबन्धनका वडा अध्यक्षले
७ सय ३८ मत ल्याउंदा एमालेले २ सय २१ मत मात्रै लिएको छ । महिला सदस्य, दलित महिला सदस्य र वडा सदस्यमा सबैमा गठबन्धनका उमेदवारहरुले अग्रता लिएका छन् । राङखानीमा १ हजार ९ सय ३२ मत खसेको थियो ।