पोखरा । कास्कीको रूपा गाउँपालिकाको २ ओटा वडाको अन्तिम नतिजा सार्वजनिक भएको छ ।
वडा नम्बर १ मा नेपाली काङ्ग्रेसका रामबहादुर गोदार अध्यक्षमा निर्वाचित भएका छन् । उनले ७७९ र उनका प्रतिद्वन्द्वी नेकपा एमालेका शिव खनालले ३६२ मत ल्याएका थिए । गोदारसँगै काङ्ग्रेसका रामबाबु खनाल, बुद्धिबहादुर गुरुङ, शान्ता पौडेल अधिकारी र सुस्मिता विक रहेको प्यानल नै विजयी भएको छ ।
यस्तै वडा नम्बर २ मा नेकपा (एमाले) का राजन सुवेदी वडा अध्यक्षमा निर्वाचित भएका छन् । उनले गठबन्धनका तर्फबाट नेपाली काङ्ग्रेसका उम्मेद्वार विष्णुप्रसाद ओझालाई १६१ मतान्तरले पराजित गरेका हुन् । सुवेदीले ५२१ मत ल्याउँदा ओझाले ३६० मत प्राप्त गरेका थिए । सुवेदीसँगै रामबाबु सुवेदीले ४१४, हिताकुमारी रुपाखेतीले ४१४, अनिता रानाले ४२६ र रामचन्द्र ओझाले ४२८ मत ल्याएर एमाले प्यानल विजयी भएको छ ।
वडा नम्बर २ को मतगणना सकिँदा गाउँपालिका अध्यक्ष पदका लागि एमालेका नवराज ओझाले ४९७ र नेपाली काङ्ग्रेसकी गीमाया गुरुङले ३९६ मत प्राप्त गरेकी छिन् । यस्तै उपाध्यक्षमा एमालेकी लालसुब्बा गुरुङले ४७१ र नेपाली काङ्ग्रेसका नारायणकुमार श्रेष्ठले ४०२ मत ल्याएका छन् ।
वडा नम्बर ३ को गणना कार्य अघि बढेको निर्वाचन अधिकृतको कार्यालयले जनाएको छ ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
