म्याग्दी  । म्याग्दीको अन्नपूर्ण गाउँपालिकाको मतगणना स्थगित भएको छ । अन्नपूर्ण गाउँपालिका–३ दानाको मतपरिणाम सार्वजनिक भएपनि पुनः मतगणना हुनुपर्ने भन्दै नेपाली काँग्रेसले विरोध जनाएपछि मतगणना स्थगित भएको हो । बदर मत देखाउने नाममा धाँधली भएको भन्दै नेपाली काँग्रेसका वडा अध्यक्षका उम्मेदवार सुरत केसीले पुनः मतगणना गर्नुपर्ने माग गर्दै निवेदन दिएपछि मतगणना स्थगीत भएको छ ।

विहान भएको मतगणना अनुसार, अन्नपूर्ण गाउँपालिका–३ मा नेकपा एमालेका रमेश पुर्जालाई बिजयी घोषणा गरिएको थियो । पुनः मतगणना गर्नुपर्ने माग सहित निवेदन परेपछि छलफल गरिएको र सहमती नभएपछि मतगणना स्थगीत गरिएको निर्वाचन अधिकृत जानुका सुवेदीले जानकारी दिनुभयो । उहाँले उजुरी परेपछि आयोगलाई जानकारी गराइएको र आयोगको आदेश र निर्णयका आधारमा अगाडी बढ्ने बताउनुभयो । अन्नपूर्णको वडा नम्बर १ दोवा, २ भुरुङ तातोपानीमा नेकपा एमालेका उम्मेदवार बिजयी भैसकेका छन ।