पोखरा- पोखरा महानगर प्रमुखमा नेकपा एकीकृत समाजवादीका धनराज आचार्यले आफ्नो अग्रता कायम राखेका छन् । सोमबार साढे १० बजेसम्मको गरिएको १०४९३ मत गणनामा आचार्यले नेकपा एमालेका कृष्ण थापालाई २ सय १० मतान्तरले अग्रता कायम राखेका हुन् ।

आचार्यले ४ हजार १ सय १०  मत पाउँदा थापाले ३ हजार ८ सय ३० मत मतसहित पछ्याइरहेका छन् ।
गठबन्धनबाट उम्मेदवार बनेका आचार्यले प्रमुखमा मतान्तर फराकिलो बनाउँदै अग्रता कायम राखिरहँदा उप्रमुखमा भने नेकपा एमालेले उछिनेको छ । गठबन्धनबाट उपप्रमुख प्रत्याशी कोपिला रानाभाट नेकपा एमालेकी मञ्जुदेवी गुरुङसँग ८६ मतले पछाडि छिन् । रानाभाटले ४ हजार २ सय ९८ मत पाउँदा गुरुङले ४ हजार ३ सय ८४ मत पाएकी छन् । अहिले पोखरा महानगरको १, ३, ४, ३४, २४ र २५ नम्बर वडाको मत गणना भइरहेको छ । स्वतन्त्र मेयर उम्मेद्बार गनेस पौडेलले २५० पाएका छ्न् ।