बिर्के टोपी (बालकविता)
– रमेशचन्द्र घिमिरे
खोतलेर पिँधमा हेरेँ डालाको
हेर्दाखेरि देखियो नौलो खालको
यसो हेर्दा झुलुक्क आरी जस्तो छ
टोपी हो कि बिर्को हो कस्तो-कस्तो छ
बिर्कोमाथि डल्लो छ टुप्पी टालाको
नयाँ कुरा देखियो नौलो खालको
दाइलाई सोध्दा यसको नाम थाहा छैन रे
हजुर बाको हो अरे बाको हैन रे
कैले होला बनेको कति सालको ?
टोपीजस्तै देखियो नौलो खालको
बाले भनेपछि पो बिर्के टोपी यो
थाहा पाइयो, लाइयो, आँखै छोपियो
भानुभक्त बाजेले लाउने पालाको
आज टोपी देखियो नौलो खालको ।
***********************
– भोर्लेटार, लमजुङ
(२०७७/०३/२९)
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
चैत्र ६, २०८२ शुक्रबार 202 Views
