बालगीत : फूलले देख्यो सपना
– गोविन्दराज विनोदी
सातै र रङ्ग पोतेर
छिर्बिरे पङ्ख जडेको
फूलले देख्यो सपना
पुतली बनी उडेको
बास्नाको धूलो बटुली
बतासभित्र मिसाउँदै
स-साना नानीहरूको
मुहारलाई हँसाउँदै
प्रकृतिसित खेलेर
मायाको डोरी बुनेको
फूलले देख्यो सपना
पुतली बनी उडेको
ताराका साना हातमा
बसेर रात रातमा
जूनलाई हेर्दै हाँसेर
छम र छमी नाचेर
पूर्वको ढोका उघार्दा
सुनौलो बिहान खुलेको
फूलले देख्यो सपना
पुतली बनी उडेको ।
****************
गैँडाकोट, नवलपरासी
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
असार ३२, २०८३ बिहिबार 198 Views
बैसाख ५, २०८३ शनिबार 243 Views
