साउन र हरियो (बालकविता)

-सविता बस्नेत दानी

महिना यो साउनको , जताततै हरियो

हरियालीमै साथी मेरो मन भुलियो

बारी हेर हरियै, जङ्गल पनि हरियो

जता हेर्छु उतै देख्छु कति रमाइलो

छुपुछुपु धान कोदो मकै पनि रोपौँला,

हरियो घाँस काटी मुनीलाई दिउँला

झमझम पर्छ पानी, मकै पोली खाउँला

राम्रा हरिया चुरी हातैभरि लाउँला

साग फर्सी लौका बोडी मिठो पारी पकाउँला

आऊ है साथी हामी सबै बाँडी-चुँडी खाउँला

प्राकृतिक प्यारो रङ्ग अति सुन्दर हरियो

हरियो सब्जी खाऊ जिउ हुन्छ बलियो

रङहरुका आफ्ना आफ्नै छ नि है महत्त्व

सबै भन्दा स्वस्थकर मानिने यो हरियो ।

चन्द्रागिरी नगरपालिका, काठमाडौँ

-२०७८/०४/२४

बाल साहित्य बालकविता

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।