हाम्रा लोकबाजा (बालकविता)
– राजिन पनेरू
प्यारा साना नानी हो, चिनौँ लोकबाजा
लोकबाजा चिनेपछि खानुपर्छ खाजा ।
फुकेर बज्छ शङ्ख, सारङ्गी बज्छ रेटेर
टुङ्ना बजाउनू भनौँला हिमालीलाई भेटेर ।। (१)
घिन्ताङ–घिन्ताङ मादल, मुरली बज्यो तिरिरी
नगरा बज्यो ढङ्ढङ्, हावा चल्यो सिरिरी ।
पञ्चेबाजामा पर्छन् नरसिङ्गा र ढोलकी
मुर्चुङ्गा र बिनायो किराँतीकै होला कि ।। (२)
एउटै तारले बज्छ रे ! एकतारे बाजा साथी हो
सोरठी मादल बजाउने गुरुङ, मगर जाति हो ।
गाडा तान्ने गोरुले बयलघन्ट बजाउँछ
पञ्चेबाजा बज्यो कि त मनै मेरो रमाउँछ ।। (३)
धिमालको दिवालीमा उर्नी बाजा बजाउने
धेरै लोकबाजा छन् मनभित्र सजाउने
अरू थुप्र्रै बाजा छन् भोलि–पर्सि चिनौँला
लोकबाजाको रक्षा गर्दै सँगैसँगै हिँडौँला ।। (४)
———————-
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
