नानी बाबु कति राम्रो : बालकविता
– गङ्गा कर्माचार्य पौडेल
नानी बाबु कति राम्रो पोक्चे-पोक्चे गाला
आँखा राम्रो नाक राम्रो चुलबुले चाला
सररर हावा आयो तिमीलाई छुन
आँगनमा ओर्लियो आकाशबाट जून
कति माया लाग्दा छौ है कति राम्रो पन
सिक्ने बुझ्ने बेला तिम्रो ज्ञान तिम्रो धन
पाकेटको खाजा भन्दा घरकै ताजा जाती
पौरख गरी बाँच्नेको हुन्छ ठूलो छाती
इमानदार मिहिनेत गर्ने मान्छे राम्रो
ठूलो मान्छे भन्दा असल बन्नु अझै राम्रो
जीवनको गोरेटोमा अघि बढ्ने छौ
एक दिन जसै सफलताको शिखर चढ्ने छौ ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
