को खाई को खाईः बालकविता

       – गङ्गा कर्माचार्य पौडेल

को खाई को खाई सुपुक्क

खाइ देऊ माम  कुप्लुक्क

थिरी  थिरी   गरिदेऊ

चरी  आयो   हेरिदेऊ

                   को खाई को खाई……..

हेर  सानी  नानी त

ताते गर्न थाली त

ढल पलाउँदै शरीर

निस्किन ढोका बाहिर

                  को खाई को खाई……

कोही गए समाउन

भन्छिन् नजिक् नआउन

भुइँमा लडिन् बुङ्लुङ्ग

नाकमा सिंगान तुर्लुङ्ग

                   को खाई को खाई…….

दिदी गइन् दौडिँडै

रुमालले नाक पुछ्दिँदै

दुई हातले उचालिन्

पिँढीमा ल्याई बसालिन्

                  को खाई को खाई………

दाँत भर्खर उम्रेका

कपाल छ घुम्रेका

ऊ मायाकी खानी हो

हाम्रो आँखाकी नानी हो

                  को खाई को खाई……

*****************

काठमाडौँ

नेपाली बालकविताका बारेमा थप पढ्न यहाँ  छुनुहोस्, पढ्नुहोस् र रमाउनुहोस् ।