बुढी औँला : बालकविता

  – रमेशचन्द्र घिमिरे

देखेनौ र मलाई छोड मेरो ठाम्

ठूल्दाजै हो नातो, बुढी औँला नाम

तिमी लुरे भाटा म हुँ मोटो थाम

डल्लो-डल्लो होचो, बुढी ओैँला नाम

मलाई छोड्यौ भने पूरा हुन्न काम

खाँचो पर्दा सम्झ, बुढी ओैँला नाम

ल ल कसो गरी मुछ्छौ बुबु माम ?

मै चाहिन्छ आखिर, बुढी औँला नाम

मान्छेका पो नाम, हुन्छन् राम र श्याम

म जाबाको हरे, बुढी औँला नाम !

**************************

लेखक र अन्य साहित्यकारका रचना पढ्न यस लिङ्कमा जानुहोला ।