बालकविता : घाँगर
गङ्गा खड्का
फूलबुट्टे घाँगर
लगाइकन जाँगर
लुगा सिउने दिदीले
सिलाइदिइन् विधिले ।
फर्याकफुरुक गरेर
जोसजाँगर भरेर
हिँड्न थालेँ रमाई
आमाको हात समाई ।
कपाल बाटी लरक्क
बाको छेउमा सरक्क
बसेँ रम्दै आएर
राम्रो घाँगर लाएर ।
बाले मोबाइल खोलेर
मुस्कुराउँदै बोलेर
फोटो खिच्न थाल्नुभो
फेसबुकमा हाल्नुभो ।
परी जस्ती राम्री
मुटुको टुक्रा हाम्री
भन्दै क्याप्सन लेख्नुभो
घाँगरमा राम्री देख्नुभो ।
ऐना अगाडि गएर
लाजले राती भएर
हेरेँ ऐना रमाउँदै
घाँगरको छेउ समाउँदै ।
******************************************
बूढानीलकण्ठ काठमाडौँ
२०७९-४-१३
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
