नानीबाबुको सरसफाइ

– नरिश्वर गौतम

कति राम्रो देखियो

मैले केश काटेको

बहिनीले कोरेर

फुर्के रिबन बाटेको ।।

काम गर्दा हातले

फोहोरमैला छोएको

साबुन र पानीले

मिचीमिची धोएको ।।

लामा नङ काटेको

जिउ सफा गरेको

दाँत पनि माझेको

म त चट्ट परेको ।।

बाआमाले पकाको

ताजा खाना खाएको

धोइधाई गरेको

सफा नाना लाएको ।।

जुत्ता टाई लगाएँ

किताब् कापी कलम

खाजा पानी घरकै

राखेँ मेरै झोलामा ।।

स्कुल जान भनेर

भएँ म त तयार

हिँड्छु हात समाई

छैन कुनै हतार ।।

बाल साहित्य बालकविता

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।