लमजुङ । मङ्सिर ४ गते सम्पन्न प्रतिनिधि सभा र प्रदेश सभाको निर्वाचनमा मध्यनेपाल५ स्थित सम्झना मावि केन्द्रमा किरियापुत्रीसहित ५२.२ प्रतिशतले मतदान गरेका छन् ।

कुल ११३२ मतदातामध्ये ३२० महिला र २७१ पुरुष गरी जम्मा ५९१ जनाले मतदान गरेका हुन् । सो केन्द्रबाट स्थानीय दीपक परियारको निधन भएपछि किरिया बसेकी उनकी श्रीमती कल्पना परियारले पनि मतदान गरेकी थिइन् । दीपकको मङ्सिर १ गते निधन भएको थियो ।

निर्वाचन शान्तिपूर्ण रूपमा सम्पन्न भएको वडा अध्यक्ष ओमवीर गुरुङले जानकारी दिए ।