म्याग्दी । अन्तर्राष्ट्रिय नारी दिवसको अवसरमा मगरदाङ्ग आमा समूहद्वारा आयोजित टोल स्तरीय महिला फुटसल प्रतियोगिता चिप्लेटी टोलले जितेको छ ।
देविस्थान ५ मगरदाङ्गको खेल मैदानमा ‘स्वास्थ्य र समाजका लागि खेलकुद’भन्ने आर्दशसहित संचालित प्रतियोगिताको फाइनल खेलमा चिप्लेटी टोलले पेनाल्टी सुटआइटमा साँङ्गखोला टोललाई हरायो ।

साँङ्गखोला टोलले उपबिजेतामा चित्त बुझायो भने आरती टोल तेस्रो भयो । विजेताले रु ५ हजार र प्रमाणपत्र पाए भने उपविजेताले ३ हजार, तृतीय हुनेले समुहले रु २ हजार र प्रमाणपत्र पाए ।

मनोेरञ्जनका साथसाथै महिलाहरुमा उच्च स्तरको आत्मविश्वास, समुहकार्य र नेतृत्व क्षमताको विकास गराउने उद्देश्यले आयोजित कार्यक्रममा देशविदेशबाट उल्लेखनीय सहयोग प्राप्त भएकोमा खुसी ब्यक्त गर्दै समुहकी अध्यक्ष राजमती बुढाले आभार ब्यक्त गर्नुभयो ।

प्रतियोगिताका विजेताहरुलाई प्रमुख अतिथि सरिता सुनारले टीका लगाएर सम्मान गर्नुभयो । बेलून फुटाउने खेलमा प्रथम तथा मुख्य एम्पाएर विपना घर्ती, एम्पाएर दीपा रानालगाएतका सहयोगीमनहरुलाई सम्मान पत्रले सम्मान गरिएको सचिब सुनिता पाइजा पुनले जानकारी दिनुभयो ।