पोखरा । ने क पा एमाले माछापुच्छ्रे  गाउँपालिका कमिटीले मिसन ग्रास रूट कार्यक्रम अन्तर्गत बिहीवार सचिबालय  बैठक सम्पन्न गरेको छ ।

बैठक  केन्द्रिय कमिटी  सदस्य कल्पना चापागाईंको प्रमुख आतिथ्यतामा सम्पन्न भएको थियो। चापागाईंले संगठन मजबुत बनाउदै देशको  समृद्धिका खातिर बलियो एमाले यो अभियानको लक्ष्य भएको हुँदा टोल टोल र घर घरमा पुग्न आग्रह गर्नु भयो।

उक्त बैठकमा पगण्डकी प्रदेश कमिटी  सचिबालय सदस्य दिपक पौडेल ,  एमाले कास्कीका उपाध्यक्ष तेजनारायण अधिकारी लगायतले सो  अभियानको बारेमा प्रकाश  पार्नुभएको थियो।

सो  बैठकले संगठन सुदृढीकरण राष्ट्रिय  अभियान अन्तर्गत उक्त अभियान संचालन गर्ने र सो का लागि वडा बैठक ,भेला प्रशिक्षण सहित जिल्ला ,प्रदेश र गाउँ कमिटिका सदस्यहरूको सहभागितामा बिस्तारित बैठक समेत आयोजना गरि अभियानलाई प्रभाबकारी रूपले अगाडि बढाउने  कार्ययोजना तयार गरेको  गण्डकी प्रदेश कमिटी प्रचार बिभाग सदस्य रामजी प्रसाद लम्सालले जानकारी दिनुभयो ।

बैठक   ने क पा (एमाले) गाउँपालिका कमिटी अध्यक्ष बिक्रम गुरुङको अध्यक्षतामा सम्पन्न भएको थियो।