लमजुङ। लमजुङ जिल्ला कारागारबाट भागेका दुवैजना कैदी फेला परेका छन। जेठ १८ गते विहान करिब दुई बजेको समयमा फरार भएका हुन् ।
लमजुङ स्थित बेशिसहर कारागारबाट उनीहरू फरार भएका थिए । फरार भएको उक्त खबर पाउनसाथ लमजुङका प्रहरी प्रमुख प्रहरी नायव उपरीक्षक प्रकाश श्रीमल आफै प्रहरी टोलीका साथ फरार भएका कैदीको खोजीकार्यमा खटिएका थिए । फरार भएका मध्य बिष्णु बि कलाई हिजो बिहान बेसीशहर नगरपालिका– २ को चिसापानी जंगलबाट पक्राउ गरेको थियो भने अर्का फरार चन्द्र बहादुर गुरुङ भने गाईखुरे झरना र चिप्लेटी नजिकै जङलबाट तल झर्दै गरेको अवस्थामा हिजो राती ११ बजे पक्राउ परेको डिएसपी श्रीमलले बताउनु भएको छ।
फरार भएका पक्राउपर्नेहरूमा लमजुङको मध्यनेपाल नगरपालिका– ४ दुईपिप्ले घर भएका २७ वर्षका विष्णु विक र गोरखाको चुम्नुव्री गाउँपालिका– ३ घट्टेखोला घर भई पोखरा महानगरपालिका १६ बस्ने ३७ वर्ष का चन्द्रबहादुर गुरूङ रहेको कारागार स्रोतले बताएको छ । स्रोतका अनुसार कैदिले नै बुनेका बस्ने बुढाको प्रयोग गरी कारागारको पर्खाल नाघेर ती कैदी भागेका हुन ।
विक २०७९ साउन २४ गते जवरजस्ती करणी मुद्दामा र गुरूङ २०८० बैशाख ३१ गते ठगी मुद्दामा पुर्पक्षका लागि कारागार चलान भएको कारागार प्रशासनले जनाएको छ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
