खुसीः कविता

   – विवेक मिश्र

हावासरी आउँछ कहिल्यै पत्तै पाइँदैन
जब मनमा खुसी आउँछ अरु चाहिँदैन

स्वाद फेरि टर्रो, खल्लो निठुरी पिरको
जब आउँछ हर्ष अनि आनन्द खिरको

दुख, कष्ट, वेदनाको पोको सबै फाली
उमङ्ग र हर्षोलासको भई गए माली

खुसी पाउन मिहिनेत अनि कष्ट गर्नु
मनमा चिन्ता होइन बरु हर्ष लिई मर्नु

केहि क्षणमा आको खुसी केही छिनलाई
जसले पछि भावी कालमा दुःख दिनलाई

फक्रिएको, फूल खुसी, पिर चाहिँ काँडो
नडराऊ दुःखसित सुख आउँछ चाँडो ।
———————————

मध्यनेपाल न.पा.६, भोर्लेटार लमजुङ