मध्यनेपाल:- लमजुङको मध्यनेपाल नगरपालिका वडा नं .७ भाटबेशी स्थितमा चितिखोला बाट भाटबेशिमा ल्याएको कुलो भत्किन गई विष्णु दत्त सुवेदिको २ तले ढुङ्गा माटोले बनेको कच्ची धन्सार गत राती २:३५ बजे भत्किएको थियो। घर भत्किएको जानाकारी पाउने बित्तिकै उक्त घरमा अस्थाई बसोवास गर्ने मर्स्याङ्दी गाउपालिका ०१ घनपोखरा नायुका टिक बहादुर विकका परिवारलाई ईप्रका भोर्लेटारका प्रहरी प्रमुख प्रहरी निरिक्षक ध्रुव प्रससादको टोलिले उद्दार गरेको थियो।

उक्त घटनामा पुरिएको बाबा टिक बहादुर बिक बर्ष ५९ को र कान्छी छोरी विनिता विक बर्ष १५ को गम्भीर घाइते अवस्थामा तत्कालै पोखरा पश्चिमान्चल अस्पताल पोखरा पठाईएको थियो भने आमा सुक कुमारी विक बर्ष ५० को र अर्की छोरी अस्मिता विक बर्ष १६ लाइ घाइते अवस्थामा प्रहरीले उद्दार गरि रामबजार स्वास्थ्य चौकी ल्याईएको थियो।

गम्भीर घाइते अवस्थामा पोखरा पठाएका बुवा टिक बहादुर विक र विनिता विक बिहान करिब ५:५५ बजे पश्चिमान्चल क्षेत्रीय अस्पताल पोखराले मृत घोषणा गरेको ईप्रका भोर्लेटारका प्रमुख ध्रुव प्रसाद शर्माले जानाकारी गराउनु भएको थियो। प्रहरीका अनुसार कुलो भत्किएर आएको पानीले घर भत्काएको बताएको छन भने थप अनुसन्धान भै रहेको समेत बताए।