बाल गजल : दसैँ

– कमला घिमिरे अधिकारी

दसैँ पर्व खुसीले मनाउनु पर्छ ।

भातृत्व भाव जगाउनु पर्छ ।

संस्कृति हाम्रो अमूल्य छ हेर,

सबै मिलिजुली बचाउनु पर्छ ।

सद‌्भाव साट्दै मिठो खाने हो रे,

परिकार धेरै पकाउनु पर्छ ।

खुसी छन् सदस्य घरै हाँसेको छ,

नयाँ लुगा लाई टिका थाप्नु पर्छ ।

बुज्रुकको आशीष लिने पर्व हो रे,

श्रद्धाले झुक्नु र रमाउनु पर्छ ।

छुट्टीको भरपुर मज्जा लिने हो रे,

चच…हुईय पिङ खेल्दै कराउनु पर्छ ।

जानी नजानी कुनै गल्ती भए,

क्षमा मागी ईर्ष्या भगाउनु पर्छ ।

दसैँ पर्व खुसीले मनाउनु पर्छ

भातृत्व भाव जगाउनु पर्छ ।

लमजुङ बेसीशहर

हाल:- टोखा ७, काठमाडौं

बाल साहित्य बालसा बालसाहित्य

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।